Ezra 3:7 - Bhiblia Yo Sawuleka

⁷ Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

Ezra 3:7 Referans Kwoze

1 Vafumeli 5:6

Ruma koko, konakuwa, a ti to ngu Libhanoni va txi wila mikedhari, se sithumi sangu si na va kumweko ni sako, se ani ni na dihela sithumi sako, madingano ni ti u no wombisa tona; nguko awe wa tiziva kha kwati ti to ani ni nawe awalo a sikotako kuwila mapulango nga Vasidhoni.

Mithumo 12:20

Herodha a ti ni txiviti ni vathu va Tiro ni Sidhoni, kambe vona va to langana ve ta kwakwe. Se ku ti ngako va di engisani ni Blasto mthangeli wa hombe wa mfumeli, va to kombela kudikha ka ditiko, nguko ditiko dawe di ti tshunzela ditikoni ka mfumeli.

Mithumo 9:36

Didhoropani ka Jopa, ku ti ni wamsikati wa mgondiswa, awu a nga ti dhanwa ku i Tabhita, atiya ngu Txigriki ti txhamusako ku Dhorkasi. Ene a ti taletwe ngu mithumo ya wumbilu ni wuha.

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.

Ezekhiyele 27:17

Judha ni ditiko da Israyeli i ti ti vaxavi kwako, va fulaho yota ngu Miniti, ni mpupu, ni wulombe, ni mtona, ni sa kutola, va xaviselani ni nawe

Mithumo 9:38

Se ngako Lidha i nga ti hafuhi ni Jopa, vagondiswa, va di engisile ti to Pedro waho, va to ruma vavamna vambidi, kuya m'dhana, va txi kha vona: “Kuluveta u txi ta kheno kwathu.”

Mithumo 9:43

Pedro a to zumba Jopa mbimo yo lapha m'tini ka mtxhuki wa madhowo, a dhanwako ku i Simoni.

2 Samuwele 5:11

Se Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vavati, ni vaaki va tinyumba, va nga ta akela nyumba Dhavhidha.

Ezra 3:6

Kukhukhela ka ditshiku do khata ka mtxima wa wutxhanu ni yimbi, va to khata kuningela miphaxo yo hiswa ka Mkoma; kambe kusanzi kuvekwa sitsaniso sa dithepele da Mkoma.

2 Vafumeli 12:10

Ku to maheka koko taku, mbimo yile va nga wona taku ku ni male yayingi amule ka dibhokiso, mabhalani wa mfumeli a ti ti kwelela ni mphaxeli wa hombe, va txi ya balela male yile yi nga txi maneka Nyumbani ka Mkoma, ve theletela mu ka masaka.

2 Vafumeli 12:13

Hambi keto, ngu male yile yi nga txi tiswa Nyumbani ka Mkoma, kha ka mahwa magombe a silivhela, hambi mafoloko ni mikamba, ni mipundu, mwendo simwani siya so mahwa ngu nzalama mwendo sa silivhela Nyumbani ka Mkoma.

2 Makronika 34:10

Male ya kona yi ningetwe ka vathangeli va mthumo wo aka Nyumba ya Mkoma, va txi hakela ngu yona ava va thumako ko aka Nyumba ya Mkoma.