Ezra 3:6 - Bhiblia Yo Sawuleka

⁶ Kukhukhela ka ditshiku do khata ka mtxima wa wutxhanu ni yimbi, va to khata kuningela miphaxo yo hiswa ka Mkoma; kambe kusanzi kuvekwa sitsaniso sa dithepele da Mkoma.

Ezra 3:6 Referans Kwoze

Ezra 3:5

se msana keto, kusimama mphaxo wo hiswa, ni yile ya kumeka ka mtxima, ni ya yotshe mipipi yo sawuleka ka Mkoma, hambi ya ni wuhi a nga ningela ka Mkoma, ngu kuranda kwakwe.

Ezra 3:7

Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

Levhi 23:24

Gela vanana va ka Israyeli u txi khawe: Ditshiku do khata da mtxima wa wutxhanu ni yimbidi, ku nava i di ditshiku do humula: Mi fanete kuramba msengeletano wo sawuleka, mi maha txialakanyiso txo huwelela, ngu kuveta mpundu.

Levhi 23:25

Ka ditshiku donedo, mi nga maheni mthumo ni wuhi wo nemela, kambe mi na maha mningelo wa mhamba yo hiswa ka Mkoma.

Mitengo 29:1

Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu.

Mitengo 29:2

Sekoko mi na ningela ka Mkoma mphaxo wa kuhiswa, wo bhumula, dirole, hamba, ni mtxhanu wa sinvutana ni simbidi, sa dilembe dimwedo, sa kwa mbi na sibawa.