Ezra 3:5 - Bhiblia Yo Sawuleka

⁵ se msana keto, kusimama mphaxo wo hiswa, ni yile ya kumeka ka mtxima, ni ya yotshe mipipi yo sawuleka ka Mkoma, hambi ya ni wuhi a nga ningela ka Mkoma, ngu kuranda kwakwe.

Ezra 3:5 Referans Kwoze

Mitengo 29:39

Awu mthumo, mi na wu mahela Mkoma, ka mipipi yanu ya hombe, hahanze ka kuxambanya kwanu, ni miningelo ya kuranda kwanu, miphaxo yanu yo hiswa, ni miningelo yanu ya sakudya, ni sa kusela sa kona, ni miningelo yanu ya kudikha.

Dhewuteronome 12:17

Ha mwayani kwako, u nga dyele kona sa wugumi sa fulaho yako ni sa vhinya yako ya yiphya ni sa mtona wako, ni matiwula a tihomu tako ni matiwula a tinvuta tako, hambi sile u nga thembisa ngu txixambanyo, hambi miningelo ya kuranda kwako, hambi ni yihi miningelo yo ndiwitelwa, ayi yi humako manzani kwako.

Dhewuteronome 12:6

Se mi na yisa kona miningelo yanu yo hiswa, ni timhamba tanu, ni miningelo yanu ya sa wugumi, ni siningo sa kundiwitela sa manza anu, ni miphaxo ya kuxambanya kwanu, ni miningelo ya kuranda kwanu, ni matiwula a tihomu tanu ni tinvuta tanu.

Mitengo 29:13

Se ngu mphaxo wa kuhiswa, wo bhumula, ka Mkoma, mi na ningela digumi da marole ni mararu, tihamba timbidi, ni digumi da sinvutana ni mune, sa dilembe dimwedo; sa kwa mbi na sibawa.

Mitengo 29:8

Kambe mi na ningela mphaxo wa kuhiswa, wo bhumula, ka Mkoma, i ku dirole, ni hamba, ni mtxhanu wa sinvutana ni simbidi, sa dilembe dimwedo; si singako ni sibawa.

Mitengo 29:2

Sekoko mi na ningela ka Mkoma mphaxo wa kuhiswa, wo bhumula, dirole, hamba, ni mtxhanu wa sinvutana ni simbidi, sa dilembe dimwedo, sa kwa mbi na sibawa.

Mitengo 28:27

Sekoko mi na ningela ka Mkoma, mphaxo wa kuhiswa, wo bhumula; i ku marole mambidi, ni hamba, ni mtxhanu wa sinvutana ni simbidi, sa dilembe dimwedo.

Mitengo 28:19

Se mi na ningela mningelo wa kuhiswa, ka Mkoma, marole mambidi ni hamba, ni mtxhanu wa sinvutana sa dilembe dimwedo; sa kwa mbi na sibawa.

Mitengo 28:14

Se mningelo wa kona wa sa kusela, mbwa diphikama da hini ya vhinya, ka dirole, ni mpimo wa wuraru wa hini ka hamba, mpimo wa wumune wa hini ka txinvutana tximwetxo; awuwa mphaxo wa kuhiswa, wa kumeka ka mtxima ni mtxima, madingano ni mitxima ya dilembe.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Ezra 3:6

Kukhukhela ka ditshiku do khata ka mtxima wa wutxhanu ni yimbi, va to khata kuningela miphaxo yo hiswa ka Mkoma; kambe kusanzi kuvekwa sitsaniso sa dithepele da Mkoma.

Jeremiya 33:18

ni vaphaxeli i ku Valevhi kha va na mbi pwata wo tisa miningelo ya kuhiswa masoni kwangu, ni kuhisa miningelo ya sakudya, ni kuhumisa miphaxelo ditshiku ni ditshiku.

Levhi 1:2

Gela vanana va ka Israyeli ku khawe: Ngako mmwenyo wanu a txi ninga mningelo ka Mkoma, mi na ningela miningelo yanu ya sihari, sa tihomu ni tinvuta.

Levhi 23:2

Gela vanana va ka Israyeli u txi khawe: Mibuso yo dhumisa Mkoma, ayi mi fanelako ku yi ramba, yi na va i di mibuso yo sawuleka; mibuso yangu ngu yiya:

2 Makronika 31:14

Ni Kora, mwana Imina, Mulevhi, muwoneleli wa txike txa didhawa da wutxani, i ti ti mxayisi wa miningelo ya kuranda kwawe, ayi yi ningelwako ka Txizimu, ni mphakeli wa miningelo yo sawuleka ya Mkoma ni simaha so sawuleka ngutu.

Nehemiya 10:34

Kambe hi xaxuvile tixolo hagari ka vaphaxeli, va ka Levhi ni vathu, xungetano ni mningelo wa tikhuni tile ti di no tiswa Nyumbani ka Txizimu txathu, madingano ni tinyumba ta vatate vathu, ka timbimo tile ti nga sungwa, ka dilembe ni dilembe kasi ku ta dhivelwa txitimwi ka txiluvelo txa Mkoma, Txizimu txathu, madingano ni tile ti nga bhalwa dibhukuni da Mlayo.