Ezra 3:2 - Bhiblia Yo Sawuleka

² Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Ezra 3:2 Referans Kwoze

Luka 3:27

mwana Jowanani, mwana Resa, mwana Zorobhabheli, mwana Salatieli, mwana Neri,

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

1 Makronika 3:17

Se vanana va Jekoniya ngu vava: Asiri ni mwanakwe Seyalitiyeli.

Zakariya 6:11

Eko ni khani amukela silivhela ni nzalama, u maha mibhoti, u yi veka ha msungo ka Joxuwa, mwana Jozadhake, mphaxeli wa hombe.

Zakariya 3:8

Engisa koko, awe Joxuwa, mphaxeli wa hombe, awe ni vangana vako, vale va nga khalahatsha masoni kwako, nguko mbavamna va mapimo amanene; wona taku ni na tisa txithumi txangu, atxi i ku kuthunga.

Zakariya 3:1

Se Txizimu txi to ni komba Joxuwa, mphaxeli wa hombe, awu a nga ti ti masoni ka Ngelozi ya Mkoma, se Sathani a ti ti ka dianza da txinene da Joxuwa, kasi ku mmangala.

Hagayi 2:23

Ka ditshiku dile kuwomba Mkoma wa Mabutho a Tiyimbi, ni na kuteka awe Zorobhabheli, mwana Salatiyeli, txithumi txangu, kuwomba Mkoma, kambe ni kumaha u txi fanana ni phera yo tsanisa ngu yona; nguko ni kusawute, kuwomba Mkoma wa Mabutho a Tiyimbi.

Hagayi 2:21

Womba-womba ka Zorobhabheli mthangeli wa Judha, u txi kha awe: Ni na maha ti taku nzuma ni mafu si txi dekadeka;

Hagayi 1:14

Se Mkoma a to wusa moya wa Zorobhabheli, mwana Salatiyeli, mthangeli wa Judha, ni moya wa Joxuwa, mwana Jozadhake, mphaxeli wa hombe, ni moya wa votshe vathu vale va nga huluka, se va to ta thuma Nyumbani ka Mkoma wa Mabutho a Tiyimbi, Txizimu txawe,

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

Masalmo 78:68

A to sawula lihunzu la ka Judha ni mmango wa Siyoni, awu a wu randako.

Nehemiya 12:8

Se Valevhi ngu vava: Jesuwa, Bhinuyi, Kadhimiyeli, Serebhiya, Judha ni Mataniya; avava ni vanawe va ti thangela mthumo wa kudhumisa.

Nehemiya 12:1

Avava mbaphaxeli ni Valevhi va va nga wuya ni Zorobhabheli, mwana Selatiyeli, ni Jesuwa: Seraya, Jeremiya, Ezra,

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

1 Makronika 3:19

Se vanana va Pedhaya i Zorobhabheli, ni Simeyi; se vanana va Zorobhabheli i Mesulami, ni Hananiya, ni Selomite, ndiyawe,

Eksodha 27:1

“U na maha txiluvelo ngu mapulango a setime; aale ma ku ni mtxhanu wa mikono ya kulapha, ni mtxhanu wa mikono kuanama (txiluvelo nja mune wa makhona o dingana), ni mikono yimbidi kudemba ka kona.

Ezra 3:8

Se ka dilembe da wumbidi da kuta kwakwe Jerusalema Nyumbani ka Txizimu, ka mtxima wa wumbidi, Zorobhabheli, mwana Seyaltiyeli, ni Jesuwa mwana Jezadhake, ni vamwani vanawe, vaphaxeli ni Valevhi, ni votshe vale va nga wuya Jerusalema ngu wukhumbini, va to emisa Valevhi va tanga ya magumi mambidi a malembe ni kuya masoni, kasiku ve rwala mthumo wa kuakwa ka Nyumba ya Mkoma.

Ezra 5:2

Sekoko ku to khukha Zorobhabheli mwana Salatiyeli, ni Jesuwa, mwana Jozadhake, ve khata kuaka Nyumba ya Txizimu, txi txi zumbako Jerusalema; va ti ti vhunwa ngu vaprofeti va Txizimu.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Mitengo 28:2

Leleta vanana va ka Israyeli, u txi kawe kwawe: Ni neheleni mningelo wo hiswa ngu mbimo ya wona, awu i ku kudya kwangu ko bhumula.

Valamuli 6:24

Sekoko Gidhiyoni a to aka konaho txiluvelo txa Mkoma, se a txi txi raya ku Mkoma i kuthutha, txiluvelo txiya txi nga diho kala ni nyamsi kona Ofira, ka Abhiyezeri.

1 Makronika 23:14

Aniko ngu ka Mosi, m'thu wa Txizimu, vanana vakwe va batwe hagari ka lihunzu la ka Levhi.

Ezra 10:18

Se ku to maneka hagari ka vanana va vaphaxeli avale va nga tekana ni vavasikati va mamwani matiko: Ka vanana va Jesuwa, vanana va Jozadhake, ni vanawe: I ku Mahaseya, ni Eliyezeri, ni Jaribhe, ni Gedhaliya.

Ezra 10:20

Se ngu ka vanana va Imeri: I Hanani ni Zebhadhiya.

Ezra 10:21

Se ngu ka vanana va Harimu: I Mahaseya, ni Eliyasi, ni Semaya, ni Jeyeli, ni Uziya.

Ezra 10:22

Se ngu ka vanana va Pasuri: I Eliyowenayi, Mahaseya, Ismayeli, Nathaniyele, Jozabhadhi ni Elasa.