Ezra 3:12 - Bhiblia Yo Sawuleka

¹² Sekoko wungi wa vaphaxeli ni Valevhi, ni vathangeli va vatate, sikosana, va nga wona nyumba yo khata kuakwa ka yona, ve yi wona masoni kwawe nyumba yiya, va to dila ngu mapswi o guleka; aniko votala va to guleta mapswi awe ngu kutsaka ni kunengela.

Ezra 3:12 Referans Kwoze

Hagayi 2:3

I mani a kuho hagari kwanu, waku a nga huluka, a nga wona nyumba yiya ka wudhumo wa yona wo khata kani? Se konkuwa mi yi wonisa kutxani kani? Ina ayiya kha yi maneki i si nga ya txilo masoni kwanu, ngako yi txi fananiswa ni yile yo khata kani?

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Isaya 60:22

Vathu vavadotho va na va 1.000; ni vavadotho ngutu, va na va vathu vavangi ngutu. Ani Mkoma, ngu mbimo ya kona, ni na ti maha eto.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Masalmo 126:6

Va tsute va txi dila kuya phaya mbewu, aniko va na wuya va txi embelela ngu kutsaka, na va di rwate tinyanda tawe ta mitxelo.

Jobe 8:7

Makhato ako ngu ditshuri ma nave madotho, aniko zumbelo yako yo gwitisa yi na anda kala titshokani.

Ezra 3:13

Aha kaku ku si zivaneki kuhambana ka mapswi a kutsaka ni a kudila ka vathu; nguko vathu va to tsaka ngu kutsaka ka hombe ngutu, kuza mapswi me pfala kule ngutu.

Jeremiya 50:4

Ka masiku onayo ni ka yona yile mbimo, kuwomba Mkoma, vanana va ka Israyeli va nata, kumweko ni vanana va ka Judha; va na wuya va txi dila, va na lava Mkoma, Txizimu txawe.

Masalmo 147:1

Dhumisani Mkoma! Nguko ndinene kuembelela hi dhumisa Txizimu txathu; Atiya ta tsakisa, kudhumisa Txizimu ngu fanelo.