Ezra 3:11 - Bhiblia Yo Sawuleka

¹¹ Se va txi wuyelela kuembelela, va txi kulisa ni kudhumisa Mkoma, nguko mnene; “nguko wumbilu wakwe mbwa yotshe mbimo ka Israyeli!” Se votshe vathu va to kwangula ngu kutsaka ka hombe, mbimo yile va nga dhumisa Mkoma, ngu kukhatwa ka Nyumba ya Mkoma.

Ezra 3:11 Referans Kwoze

1 Makronika 16:34

Dhumisani Mkoma, nguko mbwa mnene: Ni lirando lakwe li zumba ngu ha ku si gwitiko.

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

Masalmo 107:1

Bongani Mkoma, nguko ene mnene, nguko wunene wakwe mbwa yotshe mbimo.

Masalmo 103:17

Aniko lirando la Mkoma kha li nga ni magwito ka vale va m'thavako kululama kwakwe kha ku na magwito ka liveleko ni liveleko,

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Masalmo 135:3

Dhumisani Mkoma, nguko ene i Mkoma wamnene; embelelani mi dhumisa ditina dakwe nguko da tsakisa.

Masalmo 118:1

Bongani Mkoma nguko ene mbwa mnene, nguko lirando lakwe la simama kala kupinduka.

2 Makronika 7:3

Se votshe vanana va ka Israyeli, mbimo yi va nga wona ti to mndilo ni wudhumo wa Mkoma sa txhika txitimwi ka nyumba, va to khizama ve namisa tikhohe tawe ti gwesa mafu, ve khozela ni kudhumisa Mkoma, nguko mbwa mnene, ni lirando lakwe li na zumba ngu ha ku si gwitiko.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Nehemiya 12:24

Ndiva koko vathangeli va Valevhi: Hasabhiya, Serebhiya, ni Jesuwa, mwana Kadhimiyeli; se vanawe va ti masoni kwakwe, va txi dhumisa ni kuninga kubonga, madingano ni kuleleta ka Dhavhidha, m'thu wa Txizimu.

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Eksodha 15:21

Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Luka 1:50

Ni wumbilu wakwe wu tshanganile ka liveleko ni liveleko la vale va mthavako.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Masalmo 47:1

Anu motshenu vathu, pekani manza! Losani Txizimu ngu mikulungwani ya kutsaka!

1 Makronika 16:41

Se hagari kwawe a to yisa Hemani, ni Jedhutumi, ni votshe vale va nga sawulwa, vale va nga dhanwa ngu matina awe, kuve dhumisa Mkoma, nguko lirando lakwe li zumba ngu ha ku si gwitiko.

Nehemiya 12:40

Sekoko, mitxawa yiya ya yimbidi ya vaembeleli, yi to ya ema Nyumbani ka Txizimu, kumweko ni nani, ni hafu ya valamuli vale ni nga ti navo.

Masalmo 47:5

Txizimu txi txhatukile txitimwi hagari ka mikulungwani ni kuvetwa ka mpundu!

Joxuwa 6:5

Se ku na maheka taku, ku txi vetwa ngu kulaphisa tshodi ya litxheho la hamba, na mi txi pfa diguwa da tshodi, votshe vathu va na kwangula ngutu; diguma da didhoropa di na wa hahatshi, se vathu va na wulela ka dona, mmwani ni mmwani ngu kona hale a nga rendekela kona.”

Joxuwa 6:16

Se ku to maheka taku, mbimo yile vaphaxeli va nga txi veta titshodi, ka txikhati txa wutxhanu ni simbidi, Joxuwa a to khene ka vathu: “Kwangulani! Nguko Mkoma a mi ningile didhoropa!”

Joxuwa 6:10

Aniko Joxuwa a ti ti ningile txileleto ka vathu, a txi khene: Mi nga kwanguleni, hambi kupfalisa mapswi anu, kambe ku nga hume dipswi ni da dimwedo ngu sisofuni kwanu, kala ka ditshiku di ani ni no khani: “Kwangulani! Sekoko mi na kwangula.”

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

Masalmo 100:5

Nguko Mkoma mbwamnene, ni wumbilu wakwe kha wu na magwitiko! Kambe ditshuri dakwe nda liveleko ni liveleko.

Masalmo 131:1

Mkoma, mbilu yangu kha yi ti kulisi ni maso angu kha ma ti guleti; se kha ni nga ni timbiti ni silo si i ku sa hombe, kha ni naveli asile si ku txitimwi ka mtamo wangu.

Zakariya 4:7

U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.

Hagayi 2:3

I mani a kuho hagari kwanu, waku a nga huluka, a nga wona nyumba yiya ka wudhumo wa yona wo khata kani? Se konkuwa mi yi wonisa kutxani kani? Ina ayiya kha yi maneki i si nga ya txilo masoni kwanu, ngako yi txi fananiswa ni yile yo khata kani?