Ezra 3:10 - Bhiblia Yo Sawuleka

¹⁰ Mbimo yile vaaki va nga maha makhato a kuaka Dithepele da Mkoma, va to ti henjeleta vaphaxeli ni siya sawe ni mipundu, Valevhi i ku vanana va Asafe, ni sitende kasi kudhumisa Mkoma, madingano ni txileleto txa Dhavhidha, mfumeli wa ka Israyeli.

Ezra 3:10 Referans Kwoze

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

2 Makronika 35:15

Se vaembeleli, vanana va Asafe, va ti ti ha wukhaloni kwawe madingano ni kuruma ka Dhavhidha ni Asafe, ni Hemani ni Jedhutumi, m'huti wa mfumeli, ni vawoneleli va sike kha va khukha ha makhaloni kwawe, nguko vanawe va ka Levhi va va longisete sakudya sawe.

1 Makronika 23:5

ni 4.000 wa vawoneleli va sike, ni 4.000 wa vo dhumisa Mkoma ngu sivetaveta, sile ani ni nga si maha kasi kudhumisa ngu sona, kuwomba Dhavhidha.

1 Makronika 16:42

Sekoko Hemani ni Jedhutumi, i ti vaveti va mipundu ni titshodi ta vaembeleli, ni sivetaveta sa m'zeno wa Txizimu; aniko vanana va Jedhutumi, i ti vawoneleli va txike.

1 Makronika 16:37

Sekoko Dhavhidha a to siya Asafe ni vanawe koneho, masoni ka dibhokiso da txitumelelano txa Mkoma, kasi kuve khozela masoni ka dibhokiso otshe masiku, madingano ni txileleto txa ditshiku ni ditshiku.

1 Makronika 15:27

Se Dhavhidha a ti ambate syambalo sa linyu yo hehuka, kumweko ni votshe Valevhi, vale va nga ti rwate dibhokiso, ni vaembeleli, ni Kenaniya, mthangeli wa vale va nga ti rwate dibhokiso ni vaembeleli; Dhavhidha a ti ni efodhe ya linyu.

1 Makronika 15:24

Se Sebhaniya, ni Josafa, ni Netaneli, ni Amasayi, ni Zakariya, ni Bhenaya, ni Eliyezeri, vaphaxeli, va ti veta mipundu masoni ka dibhokiso da Txizimu; se Obhedhi-Edhomi ni Jeya, i ti vawoneleli va txike txa dibhokiso.

1 Samuwele 22:18

Sekoko Sawule a to khene ka Dhowege: Hunduluka awe u daya vaphaxeli! Se Dhowege, Muedhomi a to tshembereka e daya vaphaxeli, aniko ka ditshiku donedo a to daya mtxhanu wa magumi ni magumi mararu ni mtxhanu wa vavamna vale va nga ti ambate efodhe ya linyu.

Ezra 5:16

Sekoko a to bwaka Sesibhazari e ta maha makhato a Nyumba ya Txizimu, txi zumbako Jerusalema; se kukhukhela ka koneho kala kuwa, ya akwa, kambe kha yi se guma.

Masalmo 150:5

M'dhumiseni ngu kuveta sikhitsi so tuma; m'dhumiseni ngu kuveta sikhitsi so tuma ngutu!

Hagayi 2:15

Sekoko, konkuwa, vekani timbilu tanu ka eto, kukhukhela ka ditshiku diya ni kuya masoni, na mi sanzi kuveka dirigwi txitimwi ka dirigwi, amu ka dithepele da Mkoma.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Zakariya 4:7

U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.

Zakariya 6:12

Se m'gele, u txi khawe: Mkoma wa Mabutho a Tiyimbi, a khene: Ndiyo m'thu wu ditina dakwe i ku Kuthunga; Ene a na mila ka wukhalo wakwe, kambe a na aka dithepele da Mkoma.

Zakariya 7:3

va to gela vaphaxeli vale va nga ti ti Nyumbani ka Mkoma wa Mabutho a Tiyimbi, ni ka vaprofeti, va txi kha vona: Ina ni na dila ka mtxima wa wutxhanu, ni ti tona, nga tile ni tolovelako kumaha, ka malembe amangi kani?

1 Makronika 25:25

ya wugumi ni mtxhanu ni tiraru yi to ñola Hanani, ni vanana vakwe, ni vanawe, i ti ti digumi ni vambidi;

2 Makronika 5:12

ni votshe vaembeleli i ku: Asafe, Hemani, ni Jedhutumi, ni vanana vawe ni vanawe, va di ambate syambalo sa linyu yo hehuka, va di emile ngu didhawa da wutxani ka txiluvelo, va di ni timbila ni sitende ni tingoma, se votshe vaphaxeli vo ziva ku txhaya va ti maha 120 wa vona.

2 Makronika 35:14

Msana keto, Valevhi va to longisa sakudya sawe ni sa vaphaxeli, nguko vaphaxeli vanana va Aroni, va mahile mthumo wo ningela mningelo wo hiswa ni wa mafura kala kuza di txiswa. Ngu kumaha keto, Valevhi va to longisa sakudya sawe ni sa vaphaxeli, vanana va Aroni.

Ezra 2:41

Vaembeleli: Vanana va Asafe, 128.