Ezra 2:1 - Bhiblia Yo Sawuleka

¹ Avava ngu vona vanana va ditiko da hombe, va nga huma ngu wukhumbini, avale Nabhukodhonozori mfumeli wa Bhabhilona a nga ti ti va yisile Bhabhilona, se va to wuya Jerusalema ni Judha, mmweyo ni mmweyo m'tini kwakwe,

Ezra 2:1 Referans Kwoze

2 Vafumeli 25:11

Se ngu wungi wa vathu vale va nga lekwa ve sala didhoropani, ni vatereki vale va nga ti ningela ka mfumeli wa Bhabhilona, wungi wa dibutho, ni Nabhuzaradhani, mthangeli wa yimbi, a to va ñola e tsula navo.

Mithumo 23:34

Mkoma a to gonda dipapilo, se e wotisa ku Paulo mbwa txihi txifunda ditikoni ka Roma kani; ngako a di pfite ku mbwa Kilikiya, a to khene:

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Sidilo 4:22

Anu vanana va Siyoni, kupekwa kwanu ku gumile Mkoma kha na mbi ngadi a txi mi yisa wukhumbini. Kasi anu vanana va Edhomi, a ngadi a txi na mi pekela sionho sanu a txi humisa minandu yanu hakubasani.

Sidilo 1:5

Valala vakwe va mxute, valala vakwe va humelela nguko Mkoma a mu wuyisete ngu mhaka ya kutala ka sihoxo sakwe; vanana vakwe, vayiswa wukhumbini masoni ka valala.

Sidilo 1:3

Judha a tsute wukhumbini, ngu mhaka ya kupandiseka, ni kukula ka wukhumbi wawe; a zumba hagari ka matiko, kha humuli; votshe vatovelisi vakwe va mkhakhetile ha kupandisekani kwakwe.

Esteri 8:9

Sekoko ku to dhanwa vamabhalani va mfumeli, ka yona mbimo yile, ngu mtxima wa wuraru (i ku mtxima wa Sivani), ka ditshiku da magumi mambidi ni masiku marau, ka wona mtximewo, se ve ta bhala madingano ni totshe tile Mordhekayi a nga ti lavisa tona ku ti gelwa Vajudha, ni ka tinduna, ni vafumeli, ni vahombe va matiko a hombe, kukhukhela Indiya kala Etiyopiya, 127 wa matiko a hombe, ka ditiko dimwani ni dimwani da hombe madingano ni mabhalelo awe, ni ka vathu vamwani ni vamwani madingano ni lidimi lawe; ni ka Vajudha madingano ni mabhalelo awe ni lidimi lawe.

Esteri 1:11

ti to ve tisa mfumeli wa txisikati Vhasta masoni ka mfumeli, na a di ni m'bhoti wa wufumeli, kasi ku ta kombisa kutshura kwakwe, masoni ka vathu ni ka vathangeli, nguko a ti ti tshurile ngutu.

Esteri 1:8

Se ku ti ti selwa ngu mlayo, ku si kurumetwi m'thu; nguko mfumeli a ti ti leletile ka votshe vahombe va nyumbani kwakwe, ti to ve mahisa ti mmwani ni mmwani a ti lavisako tona.

Esteri 1:3

ka dilembe da wuraru da kufuma kwakwe, a to ramba votshe vathangeli vakwe ni sithumi sakwe (mitamu a Persiya ni Medhiyani, ni vathangeli va hombe va matiko a hombe, va ti ti ho masoni kwakwe),

Esteri 1:1

Se ku to maheka tito, ka masiku a Asuwero (awuwa i Asuwero wule a fumela 127 wa matiko a hombe; kukhukhela Indiya kala Etiyopiya);

Ezra 6:2

Se kona Akimeta, ka nyumba ya wukoma, yi manekako ka ditiko da Medhiya, ku to manwa dibhuku, ku nga ti bhatwe txileleto ka dona, txo womba tiya:

Ezra 5:8

Ti na zivaneke ka mfumeli taku athu hi tsute ka ditiko da ka Judha, ka Nyumba ya Txizimu txa hombe, yi akwako ngu marigwi a hombe, se ka vekwetelwa mapulango txitimwi ka maseta; se mthumo wa kuluvetiswa ngu manza awe.

Ezra 1:11

Sotshe siya sa silivhela ni sa nzalama mtengo wa 5.400; sotshe siya a tekile Sesibhazari, mbimo yile va ka Israyeli va nga huma ngu wukhumbini Bhabhilona, ve tshumelela Jerusalema.

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

Ezra 8:35

Sekoko avale va nga wuyiswa ngu wukhumbini va ningete miphaxo yo hiswa ka Txizimu txa ka Israyeli: Digumi da marole ni mambidi, ngu mhaka ya votshe va ka Israyeli, mtxhanu wa magumi ni mune a tihambana ni mtxhanu ni yimweyo, mtxhanu wa magumi ni mambidi a tinvuta, ni digumi da vamabhongwe kota mningelo ngu mhaka ya txionho; sotshe si txi hiselwa Mkoma.

Nehemiya 12:1

Avava mbaphaxeli ni Valevhi va va nga wuya ni Zorobhabheli, mwana Selatiyeli, ni Jesuwa: Seraya, Jeremiya, Ezra,

1 Makronika 9:1

Se votshe va ka Israyeli va to balwa ngu tiveleko tawe; aniko va bhatwe amu ka dibhuku da vafumeli va ka Israyeli; kambe va ka Judha va to yiswa Bhabhilona, ngu mhaka ya wuhambunyeti wawe.

1 Makronika 9:2

Se vaaki vo khata, vale va nga ti zumba ka makhalo awe, ni ka madhoropa awe, i ti ti va ka Israyeli, ni vaphaxeli, ni Valevhi, ni Vaneti.

Ezra 2:70

Se vaphaxeli, Valevhi, ni vamwani vathu, vaembeleli, vaxayisi va sike, ni Vanetime va to zumba madhoropani kwawe, votshe va ka Israyeli ni vona madhoropani kwawe.

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Jeremiya 50:19

Israyeli ni na mmaha e tshumelela dizumboni kwakwe, a na dyisela Karmeli ni Bhasani; moya wakwe wu na khuriswa kona Efrayime ni Gileyadhi.