Ezra 10:9 - Bhiblia Yo Sawuleka

⁹ Sekoko votshe vavamna va ka Judha ni va ka Bhenjamini, ngu masiku mararu va to sengeletana Jerusalema; i ti mtxima wa wutxhanu ni mune, ka ditshiku da magumi mambidi ka mtxima; se votshe vathu va to khalahatsha mthandani ka Nyumba ya Txizimu, na va txi dhudhumela ngu mhaka yiya, ni kuna ka nzuma ya hombe.

Ezra 10:9 Referans Kwoze

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Esteri 2:16

Ngu kumaha keto, Esteri a to yiswa ka mfumeli Asuwero, nyumbani ka wukoma, ngu mtxima wa wugumi, i ku mtxima wa tebhete, ka dilembe da wutxhanu ni mambidi a kufuma ka Asuwero.

Ezra 9:4

Sekoko va to ta ni randela, votshe vale va nga ti dhudhumeliswa ngu mapswi a Txizimu txa ka Israyeli, ngu mhaka ya sihoheto sa vale vo wuya ngu wukhumbini; ni to khalahatsha ni txi goo, kala ka mbimo ya miphaxo ya minova.

Ezra 10:3

Konkuwa koko, a hi maheni txitumelelano ni Txizimu txathu, txaku hi na tshumeta votshe vasikati ni vanana vawe, madingano ni txilayelo txa Mkoma, ni txirumo txa Txizimu txathu; ti mahwa madingano ni Mlayo.

Ezra 10:8

Se votshe vale ku no pinda masiku mararu va si se hoka, madingano ni silayelo sa vathangeli ni sa madhota, yotshe thomba yawe yi na tsimbiselwa, kambe ene a na thaviswa ka msengeletano wa vale va nga wuya ngu wukhumbini.

Ezra 10:10

Sekoko a to khukha Ezra, i ku mphaxeli, e va gela tiya: Anu mi hambunyetile, ngu kuteka vasikati va mamwani matiko, mi andisa kuhotela ka Israyeli.

Jeremiya 36:22

Mfumeli a ti ti zumbile nyumbani ka wuxika, nguko i ti mtxima wa wutxhanu ni mune; ku ti ti ni mndilo ha txikho masoni kwakwe.