Ezra 10:8 - Bhiblia Yo Sawuleka

⁸ Se votshe vale ku no pinda masiku mararu va si se hoka, madingano ni silayelo sa vathangeli ni sa madhota, yotshe thomba yawe yi na tsimbiselwa, kambe ene a na thaviswa ka msengeletano wa vale va nga wuya ngu wukhumbini.

Ezra 10:8 Referans Kwoze

Ezra 7:26

Ni wihi a no mbi xayisa mlayo wa Txizimu txako ni mlayo wa mfumeli, a na lamulwe koneho, mwendo ngu dawa, mwendo ngu dihiswa, mwendo kuñolelwa siya sakwe, hambi kukhotelwa.

1 Vakorinto 5:13

Va hahanze, Txizimu ngu txona txi no va lamula. Thavisani m'bihi hagari kwanu.

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Johani 9:34

Se vona va txi mu angula, va txi kha vona: “U veleketwe txionhoni, ngu wutumbu wako wotshe, se u lava ku hi gondisa kani?” Konaho va to mu humisa hahanze.

Johani 9:22

Vaveleki vakwe va wombisile tiya ngu kuthava Vajudha. Nguko vona Vajudha va ti langanile tito, ngako m'thu wokari a txi womba ti to Jesu ngene Mesiya, a na tovelwa disinagogani.

Matewu 18:17

Se ngako a txi lamba kambe ku va engisa, tsula u txi ya bika mhaka banzani. Sekoko, ngako a txi lamba ku di engisa ni dona dibanza, kwako a nave i di wa matiko mwendo mkhupisi.”

Nehemiya 13:3

Ku to maheka koko taku va di pfite mlayo wuwa, va to thavisa ka Israyeli totshe tixaka ti ngadi patanelani.

1 Samuwele 11:7

Se a to teka tihomu timbidi e daya, e wilela ngu sihango, e si rumela ka dotshe ditiko da ka Israyeli ngu manza a mitumi, a txi khene: Ni wuhi wule a no mbi huma e londeta Sawule ni Samuwele, tihomu takwe ti na mahwa tonatiya. Sekoko kuthava Mkoma kutota txitimwi ka vathu, ve huma votshe ngu mbilu yimweyo.

Valamuli 21:5

Se vanana va ka Israyeli va to kha vona: “I mani ka totshe tihunzu ta ka Israyeli a nga mbi maneka msengeletanoni, masoni ka Mkoma kani?” Nguko ku ti mahilwe txixambanyo txa hombe madingano ni vale va si tiko ka Mkoma kona Misipa, va txi kha vona: Va na fa kha ditshuri.

Joxuwa 6:19

Aniko yotshe silivhela, ni nzalama, ni siya sa txikete ni sa simbi, si lumba Mkoma; si na maha thomba ya Mkoma.”

Levhi 27:28

Ni txihi txo ningelwa txi txi nga ningelwa ka Mkoma, txi sawulekile; mwendo m'thu, mwendo i thembwe ayi i kuthomba yakwe, kha txi na kuxaviswa hambi kutekiswa; sotshe si si nga emiselwa toneto, i thomba yo sawuleka ngutu ya Mkoma.

Ezra 10:7

Se va to txhumayela kotshe Judha ni Jerusalema, ka votshe vale va nga ti wuyile ngu wukhumbini, ti to ve sengeletana Jerusalema.

Ezra 10:9

Sekoko votshe vavamna va ka Judha ni va ka Bhenjamini, ngu masiku mararu va to sengeletana Jerusalema; i ti mtxima wa wutxhanu ni mune, ka ditshiku da magumi mambidi ka mtxima; se votshe vathu va to khalahatsha mthandani ka Nyumba ya Txizimu, na va txi dhudhumela ngu mhaka yiya, ni kuna ka nzuma ya hombe.

Nehemiya 13:28

Mmweyo ka vanana va Joyadha, mwana Eliyasibhe, mphaxeli wa hombe, i ti mwane wa Sambalati, muhoroni, ngu mhaka yeto, ni to mtovela masoni kwangu.