Ezra 10:3 - Bhiblia Yo Sawuleka

³ Konkuwa koko, a hi maheni txitumelelano ni Txizimu txathu, txaku hi na tshumeta votshe vasikati ni vanana vawe, madingano ni txilayelo txa Mkoma, ni txirumo txa Txizimu txathu; ti mahwa madingano ni Mlayo.

Ezra 10:3 Referans Kwoze

Ezra 9:4

Sekoko va to ta ni randela, votshe vale va nga ti dhudhumeliswa ngu mapswi a Txizimu txa ka Israyeli, ngu mhaka ya sihoheto sa vale vo wuya ngu wukhumbini; ni to khalahatsha ni txi goo, kala ka mbimo ya miphaxo ya minova.

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

Masalmo 119:59

Ni manekile ni txi pimisela mahanyelo angu, ni tshumete ni londisa milayo yako.

Nehemiya 9:38

Se ka totshe eto, hi mahile txitumelelano txo tsana, hi txi bhate; se vathangeli vathu, ni Valevhi vathu, ni vaphaxeli vathu va txi tsanisile.

2 Makronika 34:21

Tsulani mi ya wotisa ngu ditina dangu, ni da vathu vangu, ni dotshe ditiko da Israyeli ni da Judha, madingano ni mapswi a dibhuku diya di nga manwa, nguko kuhenya ka Mkoma nga hombe txitimwi kwathu; nguko vatate vathu kha va pfisisa mapswi a Mkoma, hambi ku londeta ni ta timweto ti ti nga bhalwa, amu ka dibhuku diya.

Dhewuteronome 29:12

Mi tile hawa kasi ku ta amukela txitumelelano txiya Mkoma, Txizimu txanu, a nga txi maha ngu txixambanyo nyamsi kumweko ni nanu,

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Nehemiya 8:14

Se va to ya mana ku di bhatwe ha Mlayoni tile Mkoma a nga leletela Mosi tito, vanana va ka Israyeli va na zumbe midhutini, ve mahela kona m'buso wa mtxima wa wutxhanu ni wumbidi.

Ezra 10:44

Votshe vava va ti tekile vavasikati vavamatiko; kambe vamwani hagari kwawe, va ti ti ni vasikati va nga va velekela vanana.

2 Makronika 34:27

A ku u nga dhukiswa mbiluni kwako, u ti veka hahatshi masoni ka Txizimu, mbimo yi u nga pfa mapswi akwe madingano ni wukhalo wuwa ni vathu va kona, u txi ti veka hahatshi, u vharulela ni syambalo sako, u dila masoni kwangu, ani ni ku pfite, kuwomba Mkoma.

2 Makronika 30:12

Dianza da Txizimu di ti ti txitimwi ka vathu va ka Judha, di va ninga mbilu yimweyo yo maha kuruma ka mfumeli ni ka vathangeli madingano ni dipswi da Mkoma.

2 Makronika 29:10

Konkuwa mbiluni kwangu ni alakanya ti to hi maha txitumelelano ni Mkoma, Txizimu txa Israyeli, kasi ku kuhenya ka Mkoma kuhambuka kwathu.

2 Vafumeli 11:17

Se Joyadha a to maha txitumelelano hagari ka Mkoma, ni mfumeli ni vathu, ati taku va nave vathu va Mkoma. Ni txitumelelano hagari ka mfumeli ni vathu.

Joxuwa 9:6

Se va to ta wugoveloni ka Joxuwa, kona Giligali, va txi ya gela Joxuwa ni va ka Israyeli, va txi kha vona: “Hi ta ngu ditikoni ka kule, mahani koko konkuwa txitumelelano ni nathu.”

Ezra 10:9

Sekoko votshe vavamna va ka Judha ni va ka Bhenjamini, ngu masiku mararu va to sengeletana Jerusalema; i ti mtxima wa wutxhanu ni mune, ka ditshiku da magumi mambidi ka mtxima; se votshe vathu va to khalahatsha mthandani ka Nyumba ya Txizimu, na va txi dhudhumela ngu mhaka yiya, ni kuna ka nzuma ya hombe.

Ezra 10:11

Sekoko, anu ti soleni masoni ka Mkoma, Txizimu txa vatate vanu, mi maha kuranda ka txona; hambanani ni vathu va matiko, ni vasikati va matiko.

Nehemiya 10:1

Se ava va nga sayina ngu vava: Nehemiya, mwana Hakaliya, ni Zedhekiya,