Ezra 10:18 - Bhiblia Yo Sawuleka

¹⁸ Se ku to maneka hagari ka vanana va vaphaxeli avale va nga tekana ni vavasikati va mamwani matiko: Ka vanana va Jesuwa, vanana va Jozadhake, ni vanawe: I ku Mahaseya, ni Eliyezeri, ni Jaribhe, ni Gedhaliya.

Ezra 10:18 Referans Kwoze

Zakariya 3:1

Se Txizimu txi to ni komba Joxuwa, mphaxeli wa hombe, awu a nga ti ti masoni ka Ngelozi ya Mkoma, se Sathani a ti ti ka dianza da txinene da Joxuwa, kasi ku mmangala.

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Ezra 5:2

Sekoko ku to khukha Zorobhabheli mwana Salatiyeli, ni Jesuwa, mwana Jozadhake, ve khata kuaka Nyumba ya Txizimu, txi txi zumbako Jerusalema; va ti ti vhunwa ngu vaprofeti va Txizimu.

Ezra 3:2

Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

1 Timoti 3:11

Vavasikati ni vona, kulaveka i di vo ti ñola, vo thembeka ka totshe tinzila.

Ezekhiyele 44:22

Kha va na mbi teka noni, hambi wo lekwa wukati, aniko va na teka mahorana o tuma ka lihunzu la nyumba ya ka Israyeli, mwendo tinoni ti i ku tinoni ta vaphaxeli.

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.

Jeremiya 23:11

“Nguko votshe vaprofeti ni vaphaxeli kha va sawuleka, hambi nyumbani kwangu ni mani wubihi wawe, kuwomba Mkoma!

Nehemiya 13:28

Mmweyo ka vanana va Joyadha, mwana Eliyasibhe, mphaxeli wa hombe, i ti mwane wa Sambalati, muhoroni, ngu mhaka yeto, ni to mtovela masoni kwangu.

Nehemiya 12:10

Se Jesuwa a to veleka Joyakimi, Joyakimi a to veleka Eliyasibhe, Eliyasibhe a to veleka Joyadhi,

Nehemiya 8:7

Se Jesuwa, ni Bhani, ni Serebhiya, ni Jamini, ni Akubhe, ni Sabhetayi, ni Hodhiya, ni Mahaseya, ni Kelita, ni Azariya, ni Jozabhadhi, ni Hanani, ni Pelaya, ni Valevhi va to gondisa Mlayo ka vathu, na vathu va di ha makhaloni kwawe.

Nehemiya 8:4

Se Ezra, mabhalani, a to ema txitimwi ka wurathu wa mapulango, va nga ti ti wu mahete mthumo wule. Hafuhi kwakwe ngu didhawa da txinene ku ti ti emile Matitiya, ni Xema, ni Anaya, ni Uriya, ni Hilikiya, ni Mahaseya; se ka didhawa da txibhabha ku ti ni Pedhaya, ni Mixayeli, ni Malikiya, Hasumi, ni Hasibhadhana, ni Zakariya, ni Mesulamu.

Ezra 9:1

Na ti di gwitile totsheto, va tile kwangu madhota ma txi ta kha ona: Vathu va ka Israyeli ni vaphaxeli, ni Valevhi, kha va zivi ku ti hambanisa ni vathu va matiko awa, ngu kulondisela sinyenyeko sa Vakanana, Vaheti, Vaferezi, Vajebhusi, Vaamoni, Vamowabhi, Vaegipta, ni Vaamori,

Levhi 21:7

Mphaxeli kha sikoti kutekana ni wamsikati wu i ku digelegele, hambi wu a nga ziva wamwamna, hambi awule a nga hambana ni mkatakwe, nguko mphaxeli i m'thu wu a nga sawuleka masoni ka Txizimu.

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.

Ezra 10:17

Se va to heta kuxola mahungu a votshe vavamna vale va nga ti tekile vavasikati va mamwani matiko, kala ka ditshiku do khata da mtxima wo khata.

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

Hagayi 2:4

Se konkuwa, tsanisela awe Zorobhabheli, kuwomba Mkoma, tsanisela awe Joxuwa, mwana Jozadhake, mphaxeli wa hombe, tsaniselani motshenu anu vathu va ha mafuni, kuwomba Mkoma, aniko thumani, nguko ani ni na ni nanu, kuwomba Mkoma wa Mabutho a Tiyimbi,

Zakariya 6:11

Eko ni khani amukela silivhela ni nzalama, u maha mibhoti, u yi veka ha msungo ka Joxuwa, mwana Jozadhake, mphaxeli wa hombe.

Ezra 2:36

Vaphaxeli ngu vava: Vanana va Jedhaya, wa nyumba ya ka Jesuwa, 973.

Ezra 3:8

Se ka dilembe da wumbidi da kuta kwakwe Jerusalema Nyumbani ka Txizimu, ka mtxima wa wumbidi, Zorobhabheli, mwana Seyaltiyeli, ni Jesuwa mwana Jezadhake, ni vamwani vanawe, vaphaxeli ni Valevhi, ni votshe vale va nga wuya Jerusalema ngu wukhumbini, va to emisa Valevhi va tanga ya magumi mambidi a malembe ni kuya masoni, kasiku ve rwala mthumo wa kuakwa ka Nyumba ya Mkoma.

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.