Ezra 10:10 - Bhiblia Yo Sawuleka

¹⁰ Sekoko a to khukha Ezra, i ku mphaxeli, e va gela tiya: Anu mi hambunyetile, ngu kuteka vasikati va mamwani matiko, mi andisa kuhotela ka Israyeli.

Ezra 10:10 Referans Kwoze

Matewu 23:32

Ngu toneto, tatisani mpimo wa vatate vanu!

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

2 Makronika 28:13

Va txi kha vona: Mi nga wuletiseni tikhumbi tiya amuwa, nguko mi nga hi engetela sionho sathu ni minandu yathu ka Mkoma, mnandu wathu mbwa hombe ni kuhenya ka hombe ka Mkoma ku txitimwi ka vanana va ka Israyeli.

Mitengo 32:14

Se anu vathu va sionho, anu mi nga teka wukhalo wa vatate vanu, kasi ku miya masoni ngu kuturisa kutsukula ka Mkoma, e hambana ni Isayeli.

Ezra 10:9

Sekoko votshe vavamna va ka Judha ni va ka Bhenjamini, ngu masiku mararu va to sengeletana Jerusalema; i ti mtxima wa wutxhanu ni mune, ka ditshiku da magumi mambidi ka mtxima; se votshe vathu va to khalahatsha mthandani ka Nyumba ya Txizimu, na va txi dhudhumela ngu mhaka yiya, ni kuna ka nzuma ya hombe.

Ezra 10:11

Sekoko, anu ti soleni masoni ka Mkoma, Txizimu txa vatate vanu, mi maha kuranda ka txona; hambanani ni vathu va matiko, ni vasikati va matiko.

Ezra 9:14

ina hi na engeta kambe kuwa, hi ndaka sirumo sako ni ku ti patanisa ni vathu va manyala kani? Ina khu na kuhenya awe kuwa, u hi wukela ni ku hi heta hotshethu, kuza ku si sali ni wammweyo wo huluka kani?