Ezra 1:8 - Bhiblia Yo Sawuleka

⁸ Siro, mfumeli wa Persiya, asi thavisile ngu dianza da Mitredhate, mxayisi wa tithomba, a nga si ningela manzani ka Sesibhazari, mthangeli wa ka Judha.

Ezra 1:8 Referans Kwoze

Ezra 5:14

Hambi siya sa nzalama ni sa silivhela sa Nyumbani ka Txizimu, Nabhukodhonozori a nga teka ka dithepele di di nga ti tiho Jerusalema, e si wuleta ka dithepele da Bhabhilona, mfumeli Siro asi thavisile dithepeleni ka Bhabhilona, si ningelwa ka wamwamna wule ditina dakwe i ku Sesbhazari, e m'veka kuva mfumeli.

Hagayi 1:14

Se Mkoma a to wusa moya wa Zorobhabheli, mwana Salatiyeli, mthangeli wa Judha, ni moya wa Joxuwa, mwana Jozadhake, mphaxeli wa hombe, ni moya wa votshe vathu vale va nga huluka, se va to ta thuma Nyumbani ka Mkoma wa Mabutho a Tiyimbi, Txizimu txawe,

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Ezra 5:16

Sekoko a to bwaka Sesibhazari e ta maha makhato a Nyumba ya Txizimu, txi zumbako Jerusalema; se kukhukhela ka koneho kala kuwa, ya akwa, kambe kha yi se guma.

Ezra 1:11

Sotshe siya sa silivhela ni sa nzalama mtengo wa 5.400; sotshe siya a tekile Sesibhazari, mbimo yile va ka Israyeli va nga huma ngu wukhumbini Bhabhilona, ve tshumelela Jerusalema.

Jeremiya 51:44

Ni na tsayisa Bheli kona Bhabhilona, ni na mkosisa asile a nga si mita, kha na mbi ngadi e dhundwa kambe ngu matiko. Ni diguma da Bhabhilona di wite.

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

Ezra 5:2

Sekoko ku to khukha Zorobhabheli mwana Salatiyeli, ni Jesuwa, mwana Jozadhake, ve khata kuaka Nyumba ya Txizimu, txi txi zumbako Jerusalema; va ti ti vhunwa ngu vaprofeti va Txizimu.