Ezra 1:6 - Bhiblia Yo Sawuleka

⁶ Se votshe vale va zumbako madhawani kwawe va to va vhuna ngu siya sa silivhela ni sa nzalama, ni siya, sifuyo, ni simwani so tshura, ni sotshe sile si nga ningwa ngu lidhundo.

Ezra 1:6 Referans Kwoze

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Ezra 8:33

Se ngu ditshiku da mune, ku to pimwa silivhela, ni nzalama, ni mikamba, Nyumbani ka Txizimu txathu, ngu dianza da Meremote, mwanana wa mphaxeli Uriya; a ti ti ni Eleyazari mwana Fineya, kumweko ni Jozabhadhi mwana Jesuwa, ni Nowadhiya mwana Bhinuyi, va ka Levhi;

Ezra 1:4

Se ni vahi vale va no ya zumba ve luvela ka wukhalo wokari, vavamna va wona wukhaloewo va na m'vhuna ngu silivhela ni nzalama, siya, sifuyo, ni siningo simwani va no ti lava kuningela Nyumbani ka Txizimu, txi txi zumbako Jerusalema.

Nehemiya 6:9

Nguko votshe va ti lava ku ni dhukisela, va txi kha vona: Manza awe ma na leka mthumo, se mthumo kha wu na mbi tsimbila. Konkuwa koko, awe Txizimu, tsanisa manza angu.

Isaya 35:3

Tsanisani manza o karala, ni kutsanisa mazolo o rereka.

Eksodha 12:35

Vanana va ka Israyeli va to maha nga ti Mosi a nga ti wombile, va to kombela ka Vaegipta siya sa silivhela, siya sa nzalama ni syambalo.

Eksodha 12:36

Mkoma a mahile ti to vathu vakwe ve mana mathomo masoni ka Vaegipta, aha ko Vaegipta va ti ti va ninga si va nga ti si kombela: Ngu mhaka yeto, va ka Israyeli va handile ka Vaegipta so tala nga ti va nga kombelisa tona.

1 Makronika 29:9

Se vathu va to tsaka ngu kule va nga ninga ngu kuranda kwawe, nguko va ningete ka Mkoma ngu mbilu to hetiseka; nene mfumeli Dhavhidha, a to tsaka ngu kutsaka ka hombe.

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.