Ezra 1:4 - Bhiblia Yo Sawuleka

⁴ Se ni vahi vale va no ya zumba ve luvela ka wukhalo wokari, vavamna va wona wukhaloewo va na m'vhuna ngu silivhela ni nzalama, siya, sifuyo, ni siningo simwani va no ti lava kuningela Nyumbani ka Txizimu, txi txi zumbako Jerusalema.

Ezra 1:4 Referans Kwoze

1 Makronika 29:3

Se ngu kudhunda kwangu Nyumba ya Txizimu txangu, ni na ningela nzalama ni silivhela, ni si ningela Nyumbani ka Txizimu txangu, hahanze ka sotshe siya ni nga lulamisela nyumba yo sawuleka.

Vagalatiya 6:2

Vhunanani kurwala mirwalo yanu, kasiku mi na sikota kuveketa Mlayo wa Kristu.

Mithumo 24:17

“Se msana ka malembe o tala, ni wuyisile miningelo ka va ka kwathu ni ku ta phaxa timhamba.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

1 Makronika 29:9

Se vathu va to tsaka ngu kule va nga ninga ngu kuranda kwawe, nguko va ningete ka Mkoma ngu mbilu to hetiseka; nene mfumeli Dhavhidha, a to tsaka ngu kutsaka ka hombe.

Eksodha 35:29

Votshe vanana va ka Israyeli, vavamna ni vavasikati, avale va nga ti ni kunavela kumaha mningelo wuhi ni wuhi kasi kukulisa mthumo awu Mkoma a nga ruma Mosi kasiku e wu maha, m'thu ni m'thu a to heleketa ngu kuranda ka mbilu mningelo ka Mkoma.

Ezra 1:3

Ni wihi a kuho hagari kwanu, ka votshe vathu vakwe, Txizimu txakwe txi nave ni nene, a na kwelele eya Jerusalema, i ku kona Judha, eya aka Nyumba ya Mkoma, Txizimu txa Israyeli; nguko ene Njizimu txi zumbako Jerusalema.

Ezra 1:5

Sekoko vathangeli va vatate va miti ya tihunzu ta ka Judha ni Bhenjamini, ni vaphaxeli, ni Valevhi, ni votshe vale Moya wa Txizimu wu nga va wusa, va to ya kuya aka Nyumba ya Mkoma, wu a ku Jerusalema.

2 Makronika 31:14

Ni Kora, mwana Imina, Mulevhi, muwoneleli wa txike txa didhawa da wutxani, i ti ti mxayisi wa miningelo ya kuranda kwawe, ayi yi ningelwako ka Txizimu, ni mphakeli wa miningelo yo sawuleka ya Mkoma ni simaha so sawuleka ngutu.

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Isaya 10:21

Miboti yi na hunduluka, ina, miboti ya ka Jakobe yi na tshumelela ka Txizimu txa mtamo.