Ezra 1:2 - Bhiblia Yo Sawuleka

² Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Ezra 1:2 Referans Kwoze

Isaya 44:26

ngani ni tsanisako dipswi da txithumi txakwe, kambe na tatisa makungo a sirumwa sakwe, ni wombako ka Jerusalema, ni txi khani: Ku na akwa kwako, se ka madhoropa a ka Judha ni khani: Mi na aketwa, ni ti to ani ni na wusa marumbi anu;

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 2:28

Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

2 Makronika 2:12

Hiramu a to womba kambe a txi khene: Kukateka ku nave ka Mkoma Txizimu txa Israyeli, txi nga maha nzuma ni mafu, txi nga ninga Dhavhidha, mwanana wa wuzivi, wa wutxhari wa hombe ni kupfisisa, a na ake Nyumba ya Mkoma ni ya mfumo wakwe.

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

Ezra 1:5

Sekoko vathangeli va vatate va miti ya tihunzu ta ka Judha ni Bhenjamini, ni vaphaxeli, ni Valevhi, ni votshe vale Moya wa Txizimu wu nga va wusa, va to ya kuya aka Nyumba ya Mkoma, wu a ku Jerusalema.

Ezra 3:7

Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

Ezra 4:3

Sekoko Zorobhabheli ni Jesuwa, ni vamwani vathangeli vavatate va ka Israyeli, va to kha vona: Kha ti laveki ati to anu ni nathu hi akela nyumba Txizimu txathu; aniko athu hokha, hi na muakela nyumba Mkoma, Txizimu txa ka Israyeli, nga ti hi nga leletiswa tona ngu mfumeli Siro, mfumeli wa Persiya.

Masalmo 136:26

Dhumisani Txizimu txa tinzuma; nguko lirando lakwe nda kala kupinduka!

Isaya 41:2

I mani a nga wusa mlulami ngu Wutxani, e m'dhana eta hafuhi kwakwe kani? I mani a nga ningela matiko masoni kwakwe, ni ku mmaha e khozisa vafumeli kani? A va ningete ka ditxhari dakwe, va txi nga lithulu, va txi nga lingove lo pengiswa ngu moya, ka wulaho wa lona.

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

Isaya 45:1

Mkoma a wombi tiya ka mtotiwa wakwe Siro, awule ni mñolako ngu dianza dakwe da txinene, kasi ku ni xula matiko masoni kwakwe; ni na thukunyula siwunu sa vafumeli, kasi kutula matimba masoni kwawe, kambe matimba kha ma na mbi sekwa.

Dhaniyeli 6:25

Sekoko mfumeli Dhariyo a to bhalela vathu va tixaka totshe, matiko ni vathu va tidimi to hambanelana, va zumbako kotshe ha mafuni, a txi khene: “Kudikha ku na ande hagari kwanu!”

Jona 1:9

Se ene a to va gela a txi khene: Ani ni Muhebheru, ni thava Mkoma, Txizimu txa nzumani, awu a nga maha linene ni mafu a kuoma.

Ezra 5:15

A to khene kwakwe: Teka siya si u tsula naso ka dithepele di di kuho Jerusalema, u ya akisa Nyumba ya Txizimu, kha wukhalo wa yona.

Ezra 6:3

Ka dilembe do khata da kufuma ka Siro, mfumeli Siro a ningile txileleto txiya: Ngu didhawa da Nyumba ya Txizimu yiku Jerusalema, eyo nyumba yi na akwa ka wukhalo wule ku no ningelwa ka wona miphaxo, se makhato a kona ma nava ma di tsanisilwe. Kuguleka ka yona i nava ka mtxhanu wa magumi ni dimwedo a mikono, ni kuanama ka mtxhanu wa magumi ni dimwedo a mikono,

Ezra 6:10

Va txi na ningela mphaxo wo bhumula kha kwati ka Txizimu txa nzumani, ve kombelela wutomi wa mfumeli ni wa vanana vakwe.

Ezra 7:12

Aritasasta, mfumeli wa vafumeli, ka mphaxeli Ezra, mabhalani wa Mlayo wa Txizimu txa nzumani, kuthutha ko hetelela!

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.

Nehemiya 1:5

Ni txi khani: Awe, Mkoma, Txizimu txa nzumani, Txizimu txa hombe txo thaviseka, awe u xayisako txitumelelano, ni kupfela wusiwana vale va ku randako, va xayisako sirumo sako!

Masalmo 85:2

U tsetselete minandu ya vathu vako, u divate sotshe sionho sawe;

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Jeremiya 29:10

Nguko, Mkoma a khene: Aha ku no pinda mtxhanu wa magumi ni mambidi a malembe Bhabhilona, ni na mi alakanya, ni txi mi mahela ta tinene, ni txi mi wuyisa ka wuwa wukhalo.

Dhaniyeli 1:21

Se Dhaniyeli a to manekisa eto an'ze ka dilembe do khata da mfumeli Siro.