Esteri 9:5 - Bhiblia Yo Sawuleka

⁵ Vajudha koko va to daya votshe valala vawe, ngu ditxhari, ve va daya, ve va lovisa; va txi maha kuranda kwawe txitimwi ka vale va nga ti va vengela.

Esteri 9:5 Referans Kwoze

2 Vatesalonika 1:6

Nguko ti lulamile ti to Txizimu txi tshumetela ngu sixaniso ava va mi xanisako.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Esteri 9:6

Se mkhokholani ka Susani, Vajudha va to daya ni kulovisa 500 wa vavamna;

Nehemiya 9:24

Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

Esteri 8:11

Ka ona, mfumeli a ti tumelela Vajudha va didhoropa dimwani ni dimwani kuve sengeletana ve ti vhikela wutomi wawe, ni kuhoxota, ni kudaya, ni kuxasela yotshe mikhokhola ya vathu ni matiko a hombe ale ma nga ti va wukela, vanana ni vavasikati, ni ti to ve handa tithomba ta kona,

Masalmo 92:12

Mlulami a na kula kufana ni mkhokho ene a na lapha kufana ni mndonga wa mkedhari wa Libhanoni.