Esteri 9:28 - Bhiblia Yo Sawuleka

²⁸ ni ti to masiku awa ma na alakanywa ni kuxayiswa ngu liveleko ni liveleko, ngu mwaya, ditiko da hombe ni didhoropa, ni ti to masiku awa a Purimi ma na khumbukwa hagari ka Vajudha, niku txyalakanyiso txa ona kha txi na mbi va ni magwito hagari ka liveleko lakwe.

Esteri 9:28 Referans Kwoze

Masalmo 103:2

Ni lava kudhumisa Mkoma ngu wotshe moya wangu, ni si divali ni txa tximwetxo ka sihiwa sakwe.

Joxuwa 4:7

Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”

Zakariya 6:14

Se mibhoti yiya yi na va ya Helemi, ni Tobhiya, ni Jedhaya, ni Hemi, mwana Zefaniya, yi na maha txyalakanyiso dithepeleni ka Mkoma.

Eksodha 12:17

Mi na vekisa m'buso wa mapawu o mbi tshumbelwa nguko ngu ka dona ditshikudo ni nga maha ti to dibutho danu da yimbi di txi huma ditikoni ka Egipta. Anu ditshiku diya mi na di vekisa ni tiveleko tanu, awuwa i mthetho wa yotshe mbimo.

Esteri 9:27

Vajudha va to tsanisa vona ni mbewu yawe, ni votshe vale va sengelako kumweko navo ti to kha va na mbi leka kuxayisa masiku ale amambidi, madingano ni tile ti nga bhalwa ngu mhaka yawe, ni mbimo ya kona yile yi nga emiswa, ka otshe malembe;

Esteri 9:29

Msana keto, msikati wa mfumeli ene Esteri, mwana Abhiyayeli, ni Mordhekayi, Mujudha, va to bhala ngu mtamo wotshe kasi kutsanisa da wumbidi dipapilo diya da Purimi.

Masalmo 145:4

Liveleko li na xawutela mithumo yako ka limwani liveleko, se votshe va na huwelela mithumo yako ya mtamo.