Esteri 9:27 - Bhiblia Yo Sawuleka

²⁷ Vajudha va to tsanisa vona ni mbewu yawe, ni votshe vale va sengelako kumweko navo ti to kha va na mbi leka kuxayisa masiku ale amambidi, madingano ni tile ti nga bhalwa ngu mhaka yawe, ni mbimo ya kona yile yi nga emiswa, ka otshe malembe;

Esteri 9:27 Referans Kwoze

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Isaya 56:6

Ni ka vanana va valuveli va va no ti ningela ka Mkoma, kasi ku mthumela, ni kudhunda ditina da Mkoma, ngu kumaha keto, veva sithumi sakwe, votshe vale va no xayisa Sabbata, va si yi nyamisi, ni vale va no amukela txitumelelano txangu,

Isaya 56:3

Se mwanana wa mluveli wule a ti ningelako ka Mkoma, a nga wombe ku khene: “Mkoma a na ni hambanisa ni vathu vakwe do gwuita”; hambi ni ka kudotho wu nga wombe mthenwa wu txi kha wona: Wonani taku ani ni mndonga wa kuoma.

Esteri 8:17

Kambe ka otshe matiko a hombe ni ka otshe madhoropa ale di nga ti ti hoka dipswi da mfumeli ni txileleto txakwe, hagari ka Vajudha, ku ti ti ni kutsaka ni wudhundo, masiku a mibuso ya hombe ni a misakano; votala hagari ka vathu va ditiko, va to ti maha Vajudha; nguko Vajudha va ti ti vekelwa txithavo txa hombe.

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Esteri 9:21

e va leleta ti to ve xayisa ditshiku da digumi ni mune da mtxima wa Adhari, ni ditshiku da digumi ni mtxhanu ka mtxima wonewo, ka otshe malembe,

1 Samuwele 30:25

Kukhukhela ka ditshiku donedo ni kuya masoni ku to mahisa toneto, a to si veka kuva txileleto ni txihena ka va ka Israyeli, kala ka ditshiku da nyamsi.

Joxuwa 9:15

Se Joxuwa a to engisana navo e maha txitumelelano kumweko navo, txa ku a na va hulukisa; se vathangeli va msengeletano va to va mahela txixambanyo.

Dhewuteronome 5:3

Mkoma kha maha txitumelelano txiya ni vatate vathu, aniko a txi mahile ni nathu, athu hi kuho hawa, hotshethu hi hanyako.

Esteri 9:20

Se Mordhekayi a to bhala timhaketo, e rumela mapapilo ka votshe Vajudha vale va nga ti maneka ka otshe matiko a hombe a mfumeli Asuwero, ka va hafuhi ni ka va kule,

Esteri 9:28

ni ti to masiku awa ma na alakanywa ni kuxayiswa ngu liveleko ni liveleko, ngu mwaya, ditiko da hombe ni didhoropa, ni ti to masiku awa a Purimi ma na khumbukwa hagari ka Vajudha, niku txyalakanyiso txa ona kha txi na mbi va ni magwito hagari ka liveleko lakwe.

Mitengo 15:15

Ku nava mlayo wumwewo motshenu ka msengeletano, ni kwa mluveli, wu a nga aka hagari kwanu; atxiya ngu txona txileleto kala ka tiveleko tanu, ni ka mluveli, ni kwanu, masoni ka Mkoma.

Valamuli 11:40

Kukhukhela konako ku to tumbuluka mkhuwo ka va ka Israyeli, wa ti to dilembe ni dilembe, timbiri ta ka Israyeli ti huma amu ka mune wa masiku, ti txi ya saluka mwanana wa Jefta wa dihorana, mugileyadhi.

Masalmo 78:7

kasiku ve themba Txizimu va si divali ati txona txi nga ti maha; kasiku ve vekisa sirumo sa txona

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Ezekhiyele 16:61

Sekoko u na alakanya tinzila tako, u kanganyiseka, mbimo yi u no amukela vakomwako ni vananda vako, nguko ni na va maha vanana vako, aniko na i si nga ngu txitumelelano txako.