Esteri 9:25 - Bhiblia Yo Sawuleka

²⁵ Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

Esteri 9:25 Referans Kwoze

Masalmo 7:16

Wubihi wakwe ni tshofu yakwe si na wele txitimwi ka msungo wakwe.

Matewu 21:44

[Awule a no wela txitimwi ka dirigwi diya a na bhandekela e khatukela; awule a no welwa ngu dona, a na phwaraselwa.”]

Masalmo 141:10

Vabihi va nawe ka milawu yawe vapune, kasi ku ni huluka do gwita.

Masalmo 140:9

Se va txi guleta misungo vale va ni randelako yi na welwe ngu wubihi wule va wu wombako ngu sisofu sawe.

Esteri 7:5

Sekoko mfumeli Asuwero a to womba, a txi khene ka msikati wakwe Esteri: I mani eneyo kani? Niku ahani eneyo wa mbilu yo mkujetela kumaha eto, kani?

Esteri 3:6

Kambe Hamani a to wona ti to kha ti na mbi vhuna txilo kudaya Mordhekayi ekha (nguko va ti ti mkombile vathu va Mordhekayi); Hamani koko a to lava kuhoxota votshe Vajudha, vale va nga ti ti ho ka wotshe mfumo wa Asuwero, maxaka a Mordhekayi.

Esteri 7:4

Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.

Masalmo 140:8

Mkoma, vathu vo biha u nga va ninge asi va si lavako; u nga tumele ti to makungo awe o biha meya masoni.

Isaya 22:25

Ka ditshiku dile, kuwomba Mkoma wa Mabutho a Tiyimbi, txipikiri txi txi nga bethelwa ka wukhalo wo tsana, txi na thaviswa; txi na gwandwa txi txiwa, ni sotshe sile si nga ti hayekilwe ka txona, si na pshwitimuka, nguko Mkoma a wombile.

1 Samuwele 25:39

Se mbimo yile Dhavhidha a nga pfa ti to Nabhali a fite, a to khene: Ku na bongwe Mkoma a nga vhikela dianza da txithumi txakwe kumaha wubihi ka Nabhali, a tsivete txithumi txakwe ka wubihi, kambe Mkoma a mahile ti to wubihi wa Nabhali wu tshumelela txitimwi ka msungo wakwe. Se Dhavhidha a to ruma vathu ka Abhigayeli kuya mteka ti to e maha msikati wakwe.

1 Vafumeli 8:32

awe koko, engisa u di nzumani, u maha, u lamula sithumi sako, u sunga m'bihi, u mmrweka manandu wakwe ha msungo kwakwe, se u maha ta tinene ka wo lulama, u mmahela madingano ni wululami wakwe.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Masalmo 7:17

Ni na dhumisa Mkoma ngu mhaka ya kululama kwakwe: Ni na embelela ni dhumisa Mkoma Nyatxitimwi.

Masalmo 94:23

A na maha ti to vabihi ve loviswa ngu sionho sawe, a na va fuvisa ngu konaho ka wubihi wawe. Mkoma, Txizimu txathu, a na va fuvisa!

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Mavingu 26:27

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Obhadhiya 1:15

Nguko ditshiku da Mkoma di hafuhi, txitimwi ka otshe matiko; ku nga ti u nga maha tona, nawe u na mahiswa toneto; wubihi wako wu na wela txitimwi ka msungo wako.