Esteri 9:22 - Bhiblia Yo Sawuleka

²² i ku masiku ale Vajudha va nga mana kuhumula ka valala vawe, ni mtxima wule ku nga hunduluswa kuxaniseka kwawe kumaha kutsaka, ni txidilo txi nga maha ditshiku da kuhumula; kasi ku me maha masiku a mibuso ya hombe, ni a kutsaka, ni a kurumelelana siningo, ni kuvhuna sisiwana.

Esteri 9:22 Referans Kwoze

Masalmo 30:11

Hindula kudila kwangu ku txi maha kusinya ka litsako; ni thavise mkhwasi u txi ni ambeka si ambalo sa litsako.

Vagalatiya 2:10

Va to hi leleta dwe, ti to hi txi alakanya sisiwana; atiya ngu tona ti nani ni nga ti ti pandisekela ku ti maha.

Isaya 14:3

Se ku na humelela tito, ngu ditshiku di Mkoma a nota kuninga kuhumula ka mthumo wako, ni ka kuthava kwako, ni ka mthumo wo nemela, wule va nga kuthumisa,

Esteri 9:19

Se ni vona Vajudha vale va mikhokholani va nga ti zumba sidhoropanani, va to maha ti to ditshiku da digumi ni mune ka mtxima wa Adhari di va da kutsaka ni da mibuso ya hombe, ditshiku da kuhumula, ve rumelelana siningo ka dona.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Matewu 5:4

Va katekile ava va dilako, nguko va na thavelelwa!

Masalmo 103:2

Ni lava kudhumisa Mkoma ngu wotshe moya wangu, ni si divali ni txa tximwetxo ka sihiwa sakwe.

Mtuletelo 11:10

Vaaki va ditikonimo va na tsaka ngu toneto, va na giya ve ningana siningo, nguko vaprofeti vava vavambidi va ti ti xanisile vaaki va ditikodo.

1 Samuwele 25:8

Wotisa ka vafana vako va na kugela; sekoko vafana vava va na mane dikato masoni kwako, nguko hi tile ngu ditshiku da dinene; Ninga koko, ka sithumi sako ni ka mwanako Dhavhidha asi u no si mana manzani kwako.

Esteri 9:21

e va leleta ti to ve xayisa ditshiku da digumi ni mune da mtxima wa Adhari, ni ditshiku da digumi ni mtxhanu ka mtxima wonewo, ka otshe malembe,

Esteri 9:23

Se Vajudha va to ti rweka mthumo wo maha tile va ngadi khatile kumaha, ni tile Mordhekayi a nga ti va bhalete.

Dhewuteronome 15:7

Ngako ku txi maneka txisiwana txokari hagari ka vananu, ka sike sokari sako, ka ditiko dako, adile Mkoma, Txizimu txanu, a ku ningako, u nga bangise mbilu yako, kambe u nga fumbarete dianza dako ka mwananu, wule i ku txisiwana;

Dhewuteronome 16:14

kambe u na ti tsakela ka m'buso wako, awe, ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi, ni mluveli, ni wo felwa ngu vaveleki, ni noni, votshe vale va hanyako m'tini kwako.

Dhewuteronome 16:15

Amu ka mtxhanu wa masiku ni mambidi u na busa, u txi dhumisa Mkoma, Txizimu txako, ka wukhalo wule Mkoma a nga wu sawula, nguko Mkoma, Txizimu txako, a na kukatekisa ka wotshe mthumo wa kuelula kwako ni ka yotshe mithumo ya manza ako, ngu toneto u na zumba u di katekile ta tinene.

Masalmo 30:12

Ti di ngeto, Mkoma, Txizimu txangu, ni na embelela ngu ngawe ni si gwiti, ni na kudhumisa kala kupinduka.

Masalmo 37:15

Kambe ditxhari dawe di na va thola mbilu yawe vapune se wulaho wawe wu na komolelwa.

Masalmo 149:7

kasi kuphota ka vathu va matiko ni kutsayisa mifumo,

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.