Esteri 9:19 - Bhiblia Yo Sawuleka

¹⁹ Se ni vona Vajudha vale va mikhokholani va nga ti zumba sidhoropanani, va to maha ti to ditshiku da digumi ni mune ka mtxima wa Adhari di va da kutsaka ni da mibuso ya hombe, ditshiku da kuhumula, ve rumelelana siningo ka dona.

Esteri 9:19 Referans Kwoze

Esteri 8:17

Kambe ka otshe matiko a hombe ni ka otshe madhoropa ale di nga ti ti hoka dipswi da mfumeli ni txileleto txakwe, hagari ka Vajudha, ku ti ti ni kutsaka ni wudhundo, masiku a mibuso ya hombe ni a misakano; votala hagari ka vathu va ditiko, va to ti maha Vajudha; nguko Vajudha va ti ti vekelwa txithavo txa hombe.

Mtuletelo 11:10

Vaaki va ditikonimo va na tsaka ngu toneto, va na giya ve ningana siningo, nguko vaprofeti vava vavambidi va ti ti xanisile vaaki va ditikodo.

Esteri 9:22

i ku masiku ale Vajudha va nga mana kuhumula ka valala vawe, ni mtxima wule ku nga hunduluswa kuxaniseka kwawe kumaha kutsaka, ni txidilo txi nga maha ditshiku da kuhumula; kasi ku me maha masiku a mibuso ya hombe, ni a kutsaka, ni a kurumelelana siningo, ni kuvhuna sisiwana.

Dhewuteronome 16:14

kambe u na ti tsakela ka m'buso wako, awe, ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi, ni mluveli, ni wo felwa ngu vaveleki, ni noni, votshe vale va hanyako m'tini kwako.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Zakariya 2:4

Se yi txi yi gela tiya: Tutuma, u ya gela dizambi diya u txi khawe: Jerusalema ku na akiswa ku nga mikhokhola yo mbi na maguma, ngu mhaka ya kutala, ka vathu, ni ka sihari.

Dhewuteronome 3:5

Otshe madhoropa ale ma ti bhiyilwe ngu mikhokhola ya hombe yo guleka, matimba a kona i ti ti o tsana a tikhorokhoro ta sikete; ku si balwi ni mamwani madhoropa o mbi bhiywa.

1 Samuwele 25:8

Wotisa ka vafana vako va na kugela; sekoko vafana vava va na mane dikato masoni kwako, nguko hi tile ngu ditshiku da dinene; Ninga koko, ka sithumi sako ni ka mwanako Dhavhidha asi u no si mana manzani kwako.

Esteri 9:20

Se Mordhekayi a to bhala timhaketo, e rumela mapapilo ka votshe Vajudha vale va nga ti maneka ka otshe matiko a hombe a mfumeli Asuwero, ka va hafuhi ni ka va kule,

Dhewuteronome 15:7

Ngako ku txi maneka txisiwana txokari hagari ka vananu, ka sike sokari sako, ka ditiko dako, adile Mkoma, Txizimu txanu, a ku ningako, u nga bangise mbilu yako, kambe u nga fumbarete dianza dako ka mwananu, wule i ku txisiwana;