Esteri 9:15 - Bhiblia Yo Sawuleka

¹⁵ Se Vajudha vale va nga ti maneka Susani va to sengeletana ni vona, ngu ditshiku da digumi ni mune ka mtxima wa Adhari, ve daya 300 wa vavamna kona Susani; kambe kha va handa txilo.

Esteri 9:15 Referans Kwoze

Esteri 9:10

Digumi da vanana va Hamani, mwana Hamedhata, mlala wa Vajudha, va datwe; kambe kha va handa txilo.

Esteri 8:11

Ka ona, mfumeli a ti tumelela Vajudha va didhoropa dimwani ni dimwani kuve sengeletana ve ti vhikela wutomi wawe, ni kuhoxota, ni kudaya, ni kuxasela yotshe mikhokhola ya vathu ni matiko a hombe ale ma nga ti va wukela, vanana ni vavasikati, ni ti to ve handa tithomba ta kona,

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

1 Vatesalonika 5:22

Vayilelani sotshe so biha.

Esteri 9:16

Kambe Vajudha vamwani vale va nga ti ti maneka ka matiko a hombe a mfumeli va to sengeletana kasi kuve lwela wutomi wawe, se va to humula kuxaniswa ngu valala vawe; va date 75.000 wa valala vawe; kambe kha va handa txilo.

Esteri 9:13

Sekoko Esteri a to khene: Ngako mfumeli a txi ti wona i di ta tinene, a tumele kambe mangwana, taku Vajudha vale va ku Susani ve maha madingano ni kuruma ka nyamsi; se va na txikite digumi da vanana va Hamani ka phande yimweyo.

Esteri 9:2

Nguko Vajudha va to sengeletana madhoropani kwawe ka otshe matiko a hombe a mfumeli Asuwero kasi kudaya vale va no va wukela, se ni wammweyo asi sikoti kutsana masoni kwawe, nguko va ti ti thawa ngu vathu votshe.

Esteri 9:12

Se mfumeli a to khene ka msikati wakwe Esteri: Mkhokholani ka Susani, Vajudha va date ni kulovisa 500 wa vavamna, ni digumi da vanana va Hamani; se ka mamwani matiko a hombe a mfumeli, va di mahisile kutxani ka mamwani matiko a hombe a mfumeli kani? Ngu txihi koko txikombelo txako kani? Se u na ningwa. Mwendo ngu kuhi kuvilelea kwako kani? Se u na mahelwa.

Esteri 9:14

Sekoko mfumeli a to womba taku ti na mahwe toneto; se ku to humiswa txileleto kona Susani, se kutxikitwa digumi da vanana va Hamani.