Esteri 9:10 - Bhiblia Yo Sawuleka

¹⁰ Digumi da vanana va Hamani, mwana Hamedhata, mlala wa Vajudha, va datwe; kambe kha va handa txilo.

Esteri 9:10 Referans Kwoze

Esteri 8:11

Ka ona, mfumeli a ti tumelela Vajudha va didhoropa dimwani ni dimwani kuve sengeletana ve ti vhikela wutomi wawe, ni kuhoxota, ni kudaya, ni kuxasela yotshe mikhokhola ya vathu ni matiko a hombe ale ma nga ti va wukela, vanana ni vavasikati, ni ti to ve handa tithomba ta kona,

Esteri 5:11

Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

Genesisi 14:23

ti to kha ni na mbi teka txilo txi txi kulumbako, hambi ndrima, mwendo ngoti yo sunga ngu yona tikathula. Nguko u nga thuka u womba ku khawe ni humelelisile Abramu.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

Varoma 12:17

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

Masalmo 21:10

U na fuvisa mihando yawe ha mafuni, kuwalo ni wammweyo a no sala a txi hanya.

Esteri 7:6

Se Esteri a to khene: M'thu, mxanisi ni mlala ngene m'bihi wuwa Hamani! Sekoko Hamani a to dhuka masoni ka mfumeli ni ka msikati wa mfumeli.

Esteri 7:4

Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.

Esteri 3:1

Msana keto, timhaka, mfumeli Asuwero a to kulisa Hamani, mwana Hamedhata, muagagi, se e m'guleta; e m'veka ka wukhalo txitimwi ka votshe vathangeli vale a nga ti navo.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Eksodha 17:16

Se a txi khene: “Nguku dianza dakwe di nga wukela Mkoma. Mkoma a na maha yimbi yo wukela Amaleki ka liveleko ni liveleko.”

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Esteri 9:9

ni Farimasita, ni Arisayi, ni Aridhayi, ni Vayizata.

Esteri 9:11

Ka ditshiku donedo da dimwedo, mfumeli a to ziviswa mtengo wa sirumbi sa mkhokholani ka Susani.

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.

Genesisi 34:27

Vafana va Jakobe va to handa simaha sa vale va nga va dayela, va txi ya handa kambe didhoropani, kufela kupharela mhaka ya kunyenyeza, ayi va nga yi maha ka Dhina, ndiyawe.