Esteri 9:1 - Bhiblia Yo Sawuleka

¹ Se ka mtxima wa wugumi ni yimbidi, i ku mtxima wa Adhari, ka ditshiku da digumi ni mararu ka wona mtximewo, ku to hoka dipswi da mfumeli ni txileleto txakwe ti to si mahwa, ka ditshiku dile valala va Vajudha va nga ti ti verela ku va khozisa, ku to humelela to hambana, nguko Vajudha ngu vona va nga khozisa valala vawe.

Esteri 9:1 Referans Kwoze

Esteri 8:12

ka ditshiku dimwedo, ka otshe matiko a hombe a mfumeli Asuwero, ngu ditsshiku da digumi ni mararu da mtxima wa wugumi ni yimbidi, i ku mtxima wa Adhari.

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Masalmo 30:11

Hindula kudila kwangu ku txi maha kusinya ka litsako; ni thavise mkhwasi u txi ni ambeka si ambalo sa litsako.

Mithumo 12:11

Se ene, ngako a di ambulukile, a to khene: “Konkuwa se na tiziva ngu ditshuri ti to Mkoma a rumete ngelozi yakwe yi ta ni hulukisa manzani ka Herodha ni kuwonelelani ka dibutho da Vajudha.”

Esteri 9:17

Eto ti mahekile ngu ditshiku da digumi ni mararu ka mtxima wa Adhari; se ve humula ngu ditshiku da digumi ni mune ka mtxima wonewo, ve maha ti to ditshiku dile di va da mibuso ya hombe ni da litsako.

Esteri 3:7

Ngu mtxima wo khata (i ku mtxima wa Nisani), ka dilembe da wugumi ni mambidi da mfumeli Asuwero, va to xaxuva Puri, i ku xolo, masoni ka Hamani, ditshiku ni ditshiku ka mtxima ni mtxima, kala ka mtxima wa wugumi ni yimbidi, i ku mtxima wa Adhari.

2 Samuwele 22:41

Se u ni ningile magondo a valala vangu, avale va nga ti ni nyenya, se ni va hoxotile.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

Masalmo 18:40

Awe wa ni ninga mtamo wa kuxula valala vangu; ni na va fuvisa avale va ni vengelako.