Esteri 8:9 - Bhiblia Yo Sawuleka

⁹ Sekoko ku to dhanwa vamabhalani va mfumeli, ka yona mbimo yile, ngu mtxima wa wuraru (i ku mtxima wa Sivani), ka ditshiku da magumi mambidi ni masiku marau, ka wona mtximewo, se ve ta bhala madingano ni totshe tile Mordhekayi a nga ti lavisa tona ku ti gelwa Vajudha, ni ka tinduna, ni vafumeli, ni vahombe va matiko a hombe, kukhukhela Indiya kala Etiyopiya, 127 wa matiko a hombe, ka ditiko dimwani ni dimwani da hombe madingano ni mabhalelo awe, ni ka vathu vamwani ni vamwani madingano ni lidimi lawe; ni ka Vajudha madingano ni mabhalelo awe ni lidimi lawe.

Esteri 8:9 Referans Kwoze

Esteri 1:22

Sekoko mfumeli a to rumela mapapilo ka otshe matiko a hombe a mfumeli, ka ditiko dimwani ni dimwani da hombe ni mibhalo ya dona, ni ka vathu vamwani ni vamwani ngu lidimi lawe: Taku wamwamna mmwani ni mmwani a na fumele nyumba yakwe; ni ku eto ti na ziviswe ka votshe vathu, madingano ni lidimi la mmwani ni mmwani.

Esteri 1:1

Se ku to maheka tito, ka masiku a Asuwero (awuwa i Asuwero wule a fumela 127 wa matiko a hombe; kukhukhela Indiya kala Etiyopiya);

Dhaniyeli 6:1

Dhariyo a ti woni i di tinene kuveka 120 wa vafumeli, txitimwi ka wotshe mfumo wakwe;

Dhaniyeli 4:1

Mfumeli Nebhukodhonosori a to rumela mhaka ka otshe matiko, mifumo ni ka vathu va totshe tidimi, vale va nga aka kotshe ha mafuni, a txi khene: Kudikha ku na ande hagari kwanu!

2 Vafumeli 18:26

Sekoko Eliyakimu mwana Hilikiya, ni Sebhina, ni Jowa, va to kha vona ka Rabhisake: Hi kombela ti to u womba-womba ka sithumi sako ngu Txisiriya, nguko ha txi ziva; u nga hi angule ngu Txihebheru, nguko ti nga pfiwa ngu votshe vale va ku txitimwi ka diguma.

Dhaniyeli 6:25

Sekoko mfumeli Dhariyo a to bhalela vathu va tixaka totshe, matiko ni vathu va tidimi to hambanelana, va zumbako kotshe ha mafuni, a txi khene: “Kudikha ku na ande hagari kwanu!”

2 Makronika 15:10

Se ka mtxima wa wuraru, ka dilembe da wugumi da kufuma ka Asa va to sengeletana Jerusalema.

Esteri 10:1

Msana ka tiya, mfumeli Asuwero a to resisa ditiko ni sitondolo sa lineneni.