Esteri 8:5 - Bhiblia Yo Sawuleka

⁵ se a txi khene: Ngako ti txi woneka i di ta tinene ka mfumeli, ni kungako ani ni di mani dithomo masoni kwakwe, ni kungako timhaka tiya ti txi maneka ti di lulamile masoni ka mfumeli, ni ti to ani ni di wule ni tsakisako masoni ka mfumeli, ku na bhalwe ti to kutxitxwa mapapilo ni txikungo txa Hamani, mwana Hamedhata, Muagagi, ale a nga bhala kasi kulovisa Vajudha va va kuho ka otshe matiko a hombe a mfumeli.

Esteri 8:5 Referans Kwoze

Esteri 7:3

Sekoko msikati wa mfumeli Esteri a to xamula, a txi khene: Ngako awe mfumeli ni di mani dithomo masoni kwako, ni kungako ti txi woneka i di ta tinene ka mfumeli, ni na ningwe wutomi wangu nga ha ni kombelako, ni wutomi wa va ka kwathu, madinano ni kuvilela kwangu.

Esteri 5:8

Ngako ni di mani dithomo masoni ka mfumeli, ni kungako mfumeli a txi ti wona kha kwati ku ni xamula txikombelo txangu ni kuvilela kwangu, a nate mfumeli ni Hamani ka m'buso wa hombe, awu ni no mi lulamisela, se mangwana ni na maha madingano ni kuruma ka mfumeli.

Esteri 2:17

Se mfumeli a to randa Esteri kupinda votshe vavasikati, aniko ene a to mana dithomo ni dikato masoni kwakwe, kupinda otshe mahorana o tuma; se a to sanzeka m'bhoti wa wukoma ha msungo ka Esteri, e mmaha mfumeli wa txisikati ka wukhalo wa Vhasta.

Esteri 2:4

Se muhorana wule a no woneka a txi tsakisa mfumeli, a na fume ka wukhalo wa Vhasta. Se mhaka yiya yi to tsakisa mfumeli, e maha toneto.

1 Samuwele 20:29

a txi khene: Ni kombela ti to u ni leka ni tsula, nguko ku ni mphaxo wa lixaka lathu didhoropani, se mwanathu a ni dhani ku ni tsula. Ngako koko, konkuwa, ni nga mana kukateka masoni kwako, na ku kombela ti to ni leke ni tsula, ni ya wona vanathu. Ngu kumaha keto, kha ya ta mezani ka mfumeli.

Eksodha 33:16

Hi na ti zivisa kutxani ati to ani ni vathu vako hi ni dithomo masoni kwako kani? Ina hi nga ti to awe u na tsimbila kumweko ni nathu kani? Ngu mhaka yeto hi nava hi txi woneka, ani ni vathu vako, ti to hi hambanile ni vathu votshe va mifumo ya ha ditikoni.

Eksodha 33:13

Ngako i di ditshuri ti to ni mani dithomo masoni kwako, ni kombise tinzila tako, ni na kuziva ni txi wona ti to ni mani dithomo masoni kwako. Pimisa kambe ti to vathu vava, mbathu vako.

Esteri 3:1

Msana keto, timhaka, mfumeli Asuwero a to kulisa Hamani, mwana Hamedhata, muagagi, se e m'guleta; e m'veka ka wukhalo txitimwi ka votshe vathangeli vale a nga ti navo.