Esteri 8:15 - Bhiblia Yo Sawuleka

¹⁵ Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Esteri 8:15 Referans Kwoze

Esteri 3:15

Ngu kuleleta ka mfumeli, sirumwa koko si to huma ngu kututuma, se mlayo wu huwelelwa mkhokholani ka Susani; se mfumeli kumweko ni Hamani va to khalahatsha ve sela; kambe didhoropa da Susani di to tala ngu pfilu-pfilu.

Genesisi 41:42

Se Faro a to thavisa phera ngu dianzani kwakwe, e yi veka ka dianza da Josefa, a to mu ambekisa syambalo sa linyu yo hehuka, a txi mu ambekisa liketani la nzalama thamoni kwakwe.

Luka 16:19

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.

Mavingu 29:2

Mbimo yile va kulako vale vo lulama, vathu va tsaka, se i ti muonhi a tongako, ditiko da xomuleka.

Esteri 6:8

ku na tiswe syambalo sa wukoma sile mfumeli a tolovelako ku ambala sona, e tisa dihantxhi dile mfumeli a tolovelako kutsimbila a di gadhile, se e sanzekwa m'bhoti wa wukoma ha msungo kwakwe;

Esteri 1:6

Ku ti ti tshurisetwe ngu nguwo yo basa, ni ya mkungu ni ya mkuxe wa nzuma, ti di hayekilwe ka tingoti ta linyu yo hehuka ni ya txiwunguwungu, ni sikhweketo sa silivhela, ni ka tiphande ta marigwi a lisima; mibhedhu i ti ti ya nzalama ni ya silivhela, txitimwi ka marigwi o basa, ni a lisima, ni ya alabhastru, ni ya marigwi a lisima.

Matewu 11:8

Se nji txani mi nga ya txi wona kani? M'thu wo ambala tinguwo totshura ngutu kani? Aniko ava va ambalako tinguwo totshura ngutu va zumba tinyumbani ka vafumeli.

Matewu 6:29

Aniko na mi gela ku khani: Hambi Solomoni ka wotshe wudhumo wa kufuma kwakwe, kha ambala kufana ni dimwedo ka ona.

Esteri 6:11

Se Hamani a to teka txyambalo ni dihantxhi eya ambeka Mordhekayi, e m'gadhisa e horolokela nayo tiriwani ka didhoropa, kambe na a txi huwelela masoni kwakwe, a txi khene: Atiya ti na mahelwa m'thu wule mfumeli a tsakelako ku mtxhatxhazela!

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

Esteri 5:11

Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

Esteri 8:14

Sirumwa si to gadha mahantxhi a txibalani ka mfumeli, si huma ngu kututuma, si di rumilwe ngu mfumeli; se txileleto txiya txi to huwelelwa mkhokholani ka Susani.

Esteri 10:2

Se yotshe mithumo ya mtamo wakwe, ni lisima la kona, ni kutsaniswa ka wuhombe wa Mordhekayi, awule a nga kuliswa ngu mfumeli, ina ti nga va ti sa bhalwa amu ka dibhuku da matimu a vafumeli va Medhiya ni va Persiya kani?

Mavingu 11:10

Didhoropa di tsakisa ku ti ni vo lulama; se ku txi lova vaonhi ku ni kutsaka ka hombe.

Mavingu 28:12

Mbimo yile vo lulama va humelelako, ku ni kutsaka ka hombe; aniko ku txi humelela muonhi, vathu va sisala.