Esteri 8:14 - Bhiblia Yo Sawuleka

¹⁴ Sirumwa si to gadha mahantxhi a txibalani ka mfumeli, si huma ngu kututuma, si di rumilwe ngu mfumeli; se txileleto txiya txi to huwelelwa mkhokholani ka Susani.

Esteri 8:14 Referans Kwoze

Dhaniyeli 8:2

Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.

Esteri 3:15

Ngu kuleleta ka mfumeli, sirumwa koko si to huma ngu kututuma, se mlayo wu huwelelwa mkhokholani ka Susani; se mfumeli kumweko ni Hamani va to khalahatsha ve sela; kambe didhoropa da Susani di to tala ngu pfilu-pfilu.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Esteri 2:3

Se mfumeli a na veke mthangeli ka otshe matiko a hombe a mifumo yakwe, ti to ve sengeleta otshe mahorana a timbiri, a txiemo txo tshura, mkhokholani ka Susani, nyumbani ka vavasikati, hahatshi ka dianza da Hegayi, mthenwa wa mfumeli, muwoneleli wa vavasikati, kambe va na ningwe sa ku ti tshurisela ngu sona.

Esteri 1:2

ka ona masiku ale, mbimo yile mfumeli Asuwero a nga ti khalahatshile ka txikhalo txa wukoma wakwe, txi ku mkhokholani ka Susani,

Nehemiya 1:1

Mapswi a Nehemiya, mwana Hakaliya. Se ku to maheka taku, ka mtxima wa Kisilewu, ka dilembe da magumi mambidi, ni txi maneka Susani, mkhokholani,

1 Samuwele 21:8

Se Dhavhidha a to khene ka Ayimeleki: Ina kha ku na mseve mwendo ditxhari dokari hawa kani? Nguko kha na teka mseve hambi matxhari angu, nguko mhaka ya mfumeli i ti ya txikuluveta.

1 Vafumeli 4:28

Va ti heleketa kumweko ni sevhadha, ni mwasi wa kudyisa mahantxhi o ndinda sikotxikani sa yimbi, ni hani ha a nga ti maneka kona mfumeli, madingano ni sileleto sa kona.

2 Makronika 30:6

Ku to rumelwa mitumi ka dotshe ditiko da Israyeli ni da Judha, yi di ni mapapilo awa ma nga bhalwa ngu dianza da mfumeli ni vathangeli vakwe madingano ni kuruma ka Mkoma a txi khene: Vanana va Israyeli, hundulukelani ka Mkoma, Txizimu txa Abrahama, ni Isaake, ni Israyeli, kasi ku ni txona txi tshumelela kwanu mi nga huluka manzani ka vafumeli va Asiriya.

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Esteri 3:14

Se dipapilo dimwedo di nga bhalwa, kasi kuzivisa mlayo wule ka ditiko dimwani ni dimwani da hombe, di to rumelwa ka votshe vathu, kasi kuve maneka va di ti lulamisete ka ditshiku dile.

Esteri 8:13

Ni dipapilo dimwedo do zivisa ka otshe matiko a hombe, di to rumelwa ka votshe vathu, kasi ku Vajudha ve maneka va di ti lulamisete ka ditshiku dile kasi kuphota ka valala vawe.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.