Esteri 8:13 - Bhiblia Yo Sawuleka

¹³ Ni dipapilo dimwedo do zivisa ka otshe matiko a hombe, di to rumelwa ka votshe vathu, kasi ku Vajudha ve maneka va di ti lulamisete ka ditshiku dile kasi kuphota ka valala vawe.

Esteri 8:13 Referans Kwoze

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

Esteri 3:14

Se dipapilo dimwedo di nga bhalwa, kasi kuzivisa mlayo wule ka ditiko dimwani ni dimwani da hombe, di to rumelwa ka votshe vathu, kasi kuve maneka va di ti lulamisete ka ditshiku dile.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Masalmo 68:23

Ngu toneto, u na nakanisa mikondo mu ka mnoha wawe se sirumbi sawe si na va i di sakudya sa timbwa tako.”

Valamuli 16:28

Sekoko Samusoni a to dila ka Mkoma, a txi khene: “Mkoma Txizimu, na ku kombela ti to u ni alakanya, u txi ni ninga mtamo konkuwa, ka yona mbimo yiya awe Txizimu, kasi ku ngu mbimo yimweyo, ni ti photela ka Vafilista, ngu mhaka ya maso angu a mambidi.”

Esteri 8:14

Sirumwa si to gadha mahantxhi a txibalani ka mfumeli, si huma ngu kututuma, si di rumilwe ngu mfumeli; se txileleto txiya txi to huwelelwa mkhokholani ka Susani.