Esteri 8:11 - Bhiblia Yo Sawuleka

¹¹ Ka ona, mfumeli a ti tumelela Vajudha va didhoropa dimwani ni dimwani kuve sengeletana ve ti vhikela wutomi wawe, ni kuhoxota, ni kudaya, ni kuxasela yotshe mikhokhola ya vathu ni matiko a hombe ale ma nga ti va wukela, vanana ni vavasikati, ni ti to ve handa tithomba ta kona,

Esteri 8:11 Referans Kwoze

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Ezekhiyele 39:10

Kambe kha va na mbi tisa tikhuni ngu txitingani, hambi kuganga txipoponi, aniko va na turisa mndilo ngu matxhari; va na pa ka vale va nga va pela, ni kuhanda ka vale va nga va handa. Kuwomba Mkoma Txizimu.

Masalmo 137:8

O! Awe mwanana wa muhorana wa Bhabhilona, u no xaselwa! A katekile awu a no kutshumetela nga ti u nga mahisa tona kwathu.

Masalmo 68:3

Aniko vavanene va tsaka masoni ka Txizimu, va maha migiyo, va giringa ngu kutsaka!

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Esteri 9:18

Kambe Vajudha vale va nga ti ti maneka Susani va to sengeletana ngu masiku a digumi ni mararu ni a digumi ni mune ka mtxima wonewo; se ve humula ngu ditshiku da digumi ni mtxhanu ka wona mtximewo, ditshiku dile va to di maha da mibuso ya hombe ni da lisako.