Esteri 7:9 - Bhiblia Yo Sawuleka

⁹ Sekoko Haribhona, mmweyo wa mithenwa yile yi nga ti thumela mfumeli, a to khene: Wonani, phande ya mtxhanu wa magumi a mikono ya kulapha, yile Hamani a nga ti ti yi kelelete Moridhekayi, yile a nga zivisa mfumeli, yi hafuhi ka m'ti wa Hamani. Sekoko mfumeli a to khene: Mtxikiteni ka yona ene Hamani.

Esteri 7:9 Referans Kwoze

Esteri 5:14

Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.

Esteri 1:10

Se ka ditshiku da wutxhanu ni mambidi, na mfumeli a di tsakile ngu vhinya, a to ruma Mewumani, Bhizita, Haribhona, Bhigita, Abhagita, Zetari, ni Karika, i ku mtxhanu wa mithenwa ni yimbidi, yile yi nga ti thumela mfumeli Asuwero,

Masalmo 141:10

Vabihi va nawe ka milawu yawe vapune, kasi ku ni huluka do gwita.

Masalmo 35:8

Va na humelwe ngu dikhombo di di si ziviko kuwonwa! Va na bzwetwe ngu mlawu wu va nga ni riyela ngu wona! Va txi wa mu ka diphala di va ngadi kela!

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.

Dhaniyeli 6:7

Votshe vathangeli va mfumo, vafumeli ni vafumeli va ditiko, vathangeli va yimbi, ni vafumeli va matiko a hombe, va to sunga txikungo, kasi kuveka txileleto txa wukoma ni kutsanisa mlayo wuwa, waku: Ni wuhi wuwa mndani ka magumi mararu a masiku a no maha txikombelo ka txizimu txokari mwendo ka m'thu wokari, na i si nga kwako, awe mfumeli, a na rinzwe diphalani ka tingonyamo.

Masalmo 73:19

Ngu txidhukisa va na fuviswa! Votshe va na guma ngu kuthava!

Esteri 9:25

Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

Esteri 6:14

Se va txi ngadi ve txi womba-womba nayo, ku to hoka mithenwa ya mfumeli, ve kuluveta ve teka Hamani, ve tsula nayo ka m'buso wule Esteri a nga ti wu lulamisile.

Esteri 6:2

Se ku to maneka ku di bhatwe ti to Mordhekayi ngene a nga zivisa mahungu a Bhigitani ni Teresi, mithenwa yimbidi ya mfumeli, ya vawoneleli va txike, vale va nga ti lava kudaya mfumeli Asuwero.

1 Samuwele 17:51

Ngu kumaha keto, Dhavhidha a to tutuma, eya ema txitimwi ka Mufilista, se a to teka ditxhari dakwe, e di swomola txiwununi kwakwe; se e daya Mufilista, e mwila msungo ngu dona. Se ngako Vafilista va di woni taku ndena yawe yi datwe, va to tutuma.

2 Vafumeli 9:32

Jehu a to guleta khohe e wona difasitela, a nje khene: I mani eyo didhawa kwangu kani? I mani? Se mithenwa yimbidi mwendo yiraru, yi to muwona ngu ha ka difasitela.

Esteri 8:7

Sekoko mfumeli Asuwero a to khene ka msikati wakwe Esteri, ni ka Mujudha wule Mordhekayi: Wonani, ni ningete nyumba ya Hamani ka Esteri, se ene a txikitilwe ka phande, nguko a di lavile kudaya Vajudha.

Esteri 9:14

Sekoko mfumeli a to womba taku ti na mahwe toneto; se ku to humiswa txileleto kona Susani, se kutxikitwa digumi da vanana va Hamani.