Esteri 7:7 - Bhiblia Yo Sawuleka

⁷ Se mfumeli, a to khukha m'busoni ka hombe ka vhinya a di henyile eya thembweni ka nyumba ya wukoma; se Hamani a to khukha a txi ema, e khongotela msikati wa mfumeli Esteri ti to e hulukisa wutomi wakwe; nguko a ti woni ti to mfumeli a lava ku mmahela to biha.

Esteri 7:7 Referans Kwoze

Mavingu 19:12

Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.

Esteri 1:12

Kambe Vhasta mfumeli wa txisikati, a to lamba kuta madingano ni dipswi da mfumeli, ngu dianza da mithenwa; ngu kumaha keto mfumeli a to henya ngutu, se txiviti takwe txi tura.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Dhaniyeli 3:19

Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Mavingu 14:19

Vo biha va ti namisa masoni ka vale vavanene, ni vaonhi masoni ka matimba a vo lulama.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

1 Samuwele 25:17

Wona koko, konkuwa, u alakanya ti u no maha, nguko ka totshe tiya da ta dikhombo ka nyamne wathu ni ka nyumba yakwe yotshe, kambe ene m'thu wa tshofu, kha ku na wo a nga womba-womba nayo.

1 Samuwele 20:9

Sekoko Jonatani a to khene: Ti nave kule ni nawe timhaketo; kambe i ti ko na tiziva kha kwati ti to tate wangu a lava ku kulovisa, ina ni di na lamba ku kugela kani?

1 Samuwele 20:7

Se ngako a txi khene: Ngu tona! Sekoko txithumi txako txi na mana kudikha. Kambe nga ku a txo henya ngutu, u na ti ziviva taku a ni makungo o biha ngutu.

Esteri 1:5

Se ma di gumile masiku ale, mfumeli a to ramba votshe vathu vale va nga txi maneka mkhokholani ka Susani, kukhukhela ka wa hombe kala ka wam'dotho, amu ka mtxhanu wa masiku ni mambidi, mthandani ka thembwe ya nyumba ya wukoma.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Mavingu 14:35

Mfumeli a tsakiswa ngu txithumi txo txhariha, aniko kuhenya ka mfumeli ku na wa txitimwi ka wule a tsimbilako ngu kuwekela.

Mavingu 16:14

Txiviti txa mfumeli txi fanana ni mtumi wa lifo, kambe m'thu wo txhariha a na mmalata.