Esteri 7:4 - Bhiblia Yo Sawuleka

⁴ Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.

Esteri 7:4 Referans Kwoze

Esteri 3:9

Ngako ti txi woneka kha kwati ka mfumeli, ku na bhalwe ti to va na dawe; se ani ni na ningela 10.000 wa titalenta ta silivhela, manzani ka vale va no maha mthumo, kasi kuveta ti veka amu ka tithomba ta mfumeli.

Dhewuteronome 28:68

Mkoma a na mi tshumeta mi tsula Egipta ngu ngalava, ngu nzila yile ni nga mi gela ni txi khani: “Khu na mbiswa u txi yi wona kambe!” Koneyo, mi na ya ti xayisa, vavamna ni vavasikati ka valala vanu, kasi ku mi maha tikhumbi, aniko kha ku na mbi maneka wo mi xava.

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Esteri 8:11

Ka ona, mfumeli a ti tumelela Vajudha va didhoropa dimwani ni dimwani kuve sengeletana ve ti vhikela wutomi wawe, ni kuhoxota, ni kudaya, ni kuxasela yotshe mikhokhola ya vathu ni matiko a hombe ale ma nga ti va wukela, vanana ni vavasikati, ni ti to ve handa tithomba ta kona,

Amosi 2:6

Mkoma a womba tiya: Ngu kuhambunyeta kuraru ka Israyeli ni ka wumune, kha ni na mbi thavisa txitsayiso, nguko va xavisa mlulami ngu male, ni txisiwana ngu mpatwa wa tikathula.

Joyeli 3:6

Mi xavisile vanana va ka Judha ni va Jerusalema ka vanana va Vagriki, kasi ku va yisa kule ni mihingano yawe.

Esteri 7:6

Se Esteri a to khene: M'thu, mxanisi ni mlala ngene m'bihi wuwa Hamani! Sekoko Hamani a to dhuka masoni ka mfumeli ni ka msikati wa mfumeli.

Nehemiya 5:5

Konkuwa koko, nyama yathu yi fana ni nyama ya vanathu, ni vanana vathu va fana ni vanana vawe; se wonani ti to hi tekile vanana vathu va mazambi ni vanana vathu vamahorana hi va maha tikhumbi, hambi vamwani va vanana vathu vamahorana va tekilwe ve yiswa wukhumbini, kha ku na txi hi nga txi mahako, nguko tithembwe tathu ni mivhinya yathu si manzani ka vamwani.

1 Samuwele 22:23

Zumba ni nani, u nga thave, nguko awule a lavako kulovisa wutomi wangu, ngeneyo a lavako kulovisa wutomi wako, se u na huluka kumweko ni nani.

Joxuwa 9:23

Konkuwa koko, mi ruketetwe, kambe kha mi na mbi leka ku va tikhumbi, hambi valavi va tikhuni, mwendo vareki va mati, kasi kuyisa nyumbani ka Txizimu txangu.”

Luka 12:45

Aniko, ngako txithumi txile txi txi pimisa mbiluni ka txona, txi txi kha txona: ‘Nyamne wangu wa swela kubwaka’, txi khata kupeketela sithumi sa mazambi ni sa mahorana, txi dya, txi sela, se txi leva,

Esteri 7:5

Sekoko mfumeli Asuwero a to womba, a txi khene ka msikati wakwe Esteri: I mani eneyo kani? Niku ahani eneyo wa mbilu yo mkujetela kumaha eto, kani?

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

Esteri 9:25

Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

Dhaniyeli 6:2

se txitimwi kwawe a to veka vathangeli vararu, mmweyo wawe i ti ti Dhaniyeli, ati taku vafumeli va na yisa mibiko ka vona, kasiku mfumeli asi kanganyiswi ngu txilo.