Esteri 7:3 - Bhiblia Yo Sawuleka

³ Sekoko msikati wa mfumeli Esteri a to xamula, a txi khene: Ngako awe mfumeli ni di mani dithomo masoni kwako, ni kungako ti txi woneka i di ta tinene ka mfumeli, ni na ningwe wutomi wangu nga ha ni kombelako, ni wutomi wa va ka kwathu, madinano ni kuvilela kwangu.

Esteri 7:3 Referans Kwoze

Jeremiya 38:26

Sekoko u na va gela u txi khawe: Ni to khongotela mfumeli a ti to asi ngadi e ni tshumetela nyumbani ka Jonatani, ku va ni txi ya fela kona.

Jobe 2:4

Sekoko Sathani a to xamula ka Mkoma, a txi khene: Didhowo ngu didhowo, se sotshe sile wamwamna a ku naso, a na diha ngu wutomi wakwe.

Esteri 7:7

Se mfumeli, a to khukha m'busoni ka hombe ka vhinya a di henyile eya thembweni ka nyumba ya wukoma; se Hamani a to khukha a txi ema, e khongotela msikati wa mfumeli Esteri ti to e hulukisa wutomi wakwe; nguko a ti woni ti to mfumeli a lava ku mmahela to biha.

Esteri 4:8

Kambe a to mninga dipapilo da mlayo wule wu nga bhalwa, wu ya huwelelwa kona Susani kasi ku va lovisa, kasi kukomba Esteri ni ku m'zivisa, kumweko ni ku mruma ti to eya ka mfumeli, ni ku mkhongotela ku e tikomba masoni kwakwe ngu mhaka ya vathu vakwe.

2 Vafumeli 1:13

Se mfumeli a to engeta e rumela mmwani mthangeli wa wuraru, ni vathu va mtxhanu wa magumi; sekoko mthangeli wule a to kwela eya khizama ngu mazolo masoni ka Elija, e mkhongotela a txi khene: Awe m'thu wa Txizimu, na ku kombela ti to uva ni wumbilu ngu wutomi wangu, ni wutomi wa sithumi siya sako sa mtxhanu wa magumi.

1 Vafumeli 20:31

Sekoko sithumi sakwe si to kha sona: Hi khala ku tipfa taku vafumeli va nyumba ya ka Israyeli mba wumbilu; a hi ambaleni masaka siwununi ni tingoti tithamoni, hi huma hi tsula ka mfumeli wa ka Israyeli; ti nga nda maheka to e hulukisa wutomi wako.

Esteri 5:8

Ngako ni di mani dithomo masoni ka mfumeli, ni kungako mfumeli a txi ti wona kha kwati ku ni xamula txikombelo txangu ni kuvilela kwangu, a nate mfumeli ni Hamani ka m'buso wa hombe, awu ni no mi lulamisela, se mangwana ni na maha madingano ni kuruma ka mfumeli.

Esteri 8:5

se a txi khene: Ngako ti txi woneka i di ta tinene ka mfumeli, ni kungako ani ni di mani dithomo masoni kwakwe, ni kungako timhaka tiya ti txi maneka ti di lulamile masoni ka mfumeli, ni ti to ani ni di wule ni tsakisako masoni ka mfumeli, ku na bhalwe ti to kutxitxwa mapapilo ni txikungo txa Hamani, mwana Hamedhata, Muagagi, ale a nga bhala kasi kulovisa Vajudha va va kuho ka otshe matiko a hombe a mfumeli.