Esteri 6:6 - Bhiblia Yo Sawuleka

⁶ Se a di wulete Hamani, mfumeli a to khene kwakwe: Hi na mmahela txani m'thu wule mfumeli a navela ku mtxhatxhazela kani? Sekoko Hamani a to khene mbiluni kwakwe: I mani mmwani a navelako kudhumiswa ngu mfumeli wo pinda ani kani?

Esteri 6:6 Referans Kwoze

Obhadhiya 1:3

Kutikulisa ka mbilu yako ku ku kanganyisile, kufana ni va va hanyako tiphakoni ka marigwi, ka dizumbo dako do guleka, u wombako mbiluni kwako ku khawe: I mani a no ni wisa ha mafuni kani?

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 1:32

Nguko avale vo pwata mapimo va na dawa ngu kutimela kwawe, se kuhumelela ka siphukuphuku ku na va fuvisa.

Masalmo 35:27

Aniko va na tsake va txi giya avale va ti zivako ti to ni wamnene; kambe va na wombe yotshe mbimo va txi kha vona: “Mkoma mbwa hombe! Mkoma a dhunda wunene wa txithumi txakwe!”

Esteri 6:11

Se Hamani a to teka txyambalo ni dihantxhi eya ambeka Mordhekayi, e m'gadhisa e horolokela nayo tiriwani ka didhoropa, kambe na a txi huwelela masoni kwakwe, a txi khene: Atiya ti na mahelwa m'thu wule mfumeli a tsakelako ku mtxhatxhazela!

Esteri 6:9

se syambalo siya ni dihantxhi diya si na ningelwe manzani ka mmweyo wa vathangeli va mfumeli, wa hombe wa vathangeli, kasi ku e ambekwa m'thu wule mfumeli a tsakelako ku mtxhatxhazela; e tsimbitiselwa ngu dihantxhi tiruwani ka didhoropa, kuhuwelela masoni kwakwe, va txi kha vona: Atiya ti mahelwa m'thu wule mfumeli a tsakelako ku mtxhatxhazela!

Esteri 6:7

Hambi keto Hamani a to khene ka mfumeli: Mhaka ya m'thu wule u tsakelako ku mtxhatxhazela awe mfumeli,

Esteri 5:11

Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

Mavingu 30:13

Ku ni liveleko lo ti wona li ti gulekile, ni timboni ta kona ti kombako txitimwi.

Esteri 6:5

Se vafana va mfumeli va to m'gela ku kha vona: Wona taku Hamani a muhubheni. Se mfumeli a njo khene: Mgeleni e wulela.

Esteri 1:15

tito, madingano ni mlayo wu wu nga ti fanela kumahelwa mfumeli wa txisikati Vhasta, ngu kule a nga mbi londeta kuruma ka mfumeli Asuwero, ngu dianza da mithenwa.

Luka 14:9

Awu a nga kuramba awe ni nene, a txi ta a ta kugela ku khene: Khukha ka ewo wukhalo, a na zumba awuwa. Konaho, awe, ngu tingana, u na khukha u txi ya ka wukhalo wo gwitisa.