Esteri 6:13 - Bhiblia Yo Sawuleka

¹³ Se Hamani a to ya txhamusela ka Zeresi, msikati wakwe, ni ka votshe vangana vakwe, totshe tile ti ngadi m'humelete. Sekoko titxhari takwe ni Zeresi, msikati wakwe, va to kha vona kwakwe: Ngako Mordhekayi wule u nga khata kuwa masoni kwakwe, i di wa liveleko la Vajudha, khu na mbi tsana masoni kwakwe; kambe ngu ditshuri a na wa masoni kwakwe.

Esteri 6:13 Referans Kwoze

Mavingu 28:18

Awule a tsimbilako ditshurini a na hanyiswa, aniko awule wa tinzila to biha, a na kuluveta kuwa.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Genesisi 40:19

mndani ka masiku mararu, Faro a na kuwila msungo wako, a txi kuhayeka txitimwi ka mndonga, se sinyana si txi ta jokotela nyama yako.”

Dhaniyeli 2:12

Sekoko mfumeli a to henya ngutu e pandiseka; e leletela ti to kudawa totshe titxhari ta Bhabhilona.

Jobe 16:2

Ni khala ku nga pfa to tala to nga tiya; anu motshenu mi vathaveleli vo xanisa.

Jobe 15:24

Mtsudi wa kuxaniseka ni xomulo wa mfenengeta; kufana ni mfumeli wo longela ku yalwa.

Genesisi 24:66

Txithumi txi to xawutela ka Isaake, totshe ti txi nga ti thuma.

Mitengo 24:9

A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

Dhewuteronome 32:10

Ene a mmani ditikoni ka txiwula, ka txiwula txa mafu a kuoma, txo tala ngu tihuwa; a m'bhiyete a txi mxayisa, a txi m'vekisa kufana ni ndolowani ya diso dakwe.

Masalmo 105:15

“Mi nga gweseni ava ni nga va sawula, mi nga xupheni vaprofeti vangu.”

Zakariya 2:12

Sekoko Mkoma a na fumela Judha, eva thomba yakwe ka ditiko do sawuleka, kambe a na sawula Jerusalema.