Esteri 6:1 - Bhiblia Yo Sawuleka

¹ Ka wona wusiku wule wawumwewo, mfumeli a to gumelwa ngu wukohe; sekoko, e rumisa kuve mnehela dibhuku da matimu, di ta gondwa masoni ka mfumeli.

Esteri 6:1 Referans Kwoze

Dhaniyeli 6:18

Sekoko mfumeli a to khukha eya nyumbani kwakwe ka wukoma, e ti tona wusiku wotshe, kambe kha tumela taku ve mu tisela sivetaveta sa wuembeleli; ni wukohe wu to hangalaka.

Dhaniyeli 2:1

Ka dilembe da wumbidi da kufuma ka Nebhukodhonosori, Nebhukodhonosori a to lora miloro yokari, se moya wakwe wu to karateka, kuza kuhangalaka ni wukohe wakwe.

Esteri 2:23

Va to xolisisa mhaka, se yi maneka ti to yi tsani; ngu wumbidi wawe va to hayekwa ve txikitwa. Eto ti bhatwe ka dibhuku da matimu, masoni ka mfumeli.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Isaya 41:17

Vaxaniseki ni vale vo pwata va lava mati, kambe kha ma ngaho, se tidimi tawe ta oma ngu ditora; aniko ani Mkoma, ni na va engisa, ani Txizimu txa ka Israyeli kha ni na mbi va leka.

Esteri 10:2

Se yotshe mithumo ya mtamo wakwe, ni lisima la kona, ni kutsaniswa ka wuhombe wa Mordhekayi, awule a nga kuliswa ngu mfumeli, ina ti nga va ti sa bhalwa amu ka dibhuku da matimu a vafumeli va Medhiya ni va Persiya kani?

Genesisi 22:14

Se Abrahamu a to raya wukhalo wule ditina do khene “Mkoma a na ti wonela.” Kukhukhela konaho kala ka ditshiku da nyamsi, kudhanwa ku “Mmangoni Txizimu txi na ti wonela.”

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Esteri 5:8

Ngako ni di mani dithomo masoni ka mfumeli, ni kungako mfumeli a txi ti wona kha kwati ku ni xamula txikombelo txangu ni kuvilela kwangu, a nate mfumeli ni Hamani ka m'buso wa hombe, awu ni no mi lulamisela, se mangwana ni na maha madingano ni kuruma ka mfumeli.

Esteri 2:22

Kambe mhaka yi to ziwa ngu Mordhekayi, se ene eya gela mfumeli wa txisikati Esteri, Esteri a to ya zivisa mfumeli, ngu ditina da Mordhekayi.

Esteri 2:21

Ka masiku oneyo, na Mordhekayi a di khalahatshile ha txikeni ka mfumeli, mithenwa yimbidi ya mfumeli, ya vawoneleli va txike, Bhigitani ni Teresi va to henya ngutu, se ve lavetela kudaya mfumeli Asuwero.