Esteri 5:14 - Bhiblia Yo Sawuleka

¹⁴ Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.

Esteri 5:14 Referans Kwoze

Esteri 6:4

Sekoko mfumeli a to khene: I mani a kuho muhubheni kani? Se Hamani a ti wulete ka muhubhe wa hahanze wa mfumeli, kasi ku ta gela mfumeli mhaka ya kutxikita Mordhekayi ka phande yile a nga ti yi lulamisile.

Masalmo 37:32

M'thu wo biha a mbzwingamela m'thu wo lulama a lava makungo a ku m'daya;

Masalmo 37:14

Vobiha va swomola ditxhari dawe, ve domba wulaho, kasi kudaya txisiwana ni txikulungu, kasi kudaya avale va londetako nzila ya yinene.

1 Vafumeli 21:7

Sekoko msikati wa kona Jezabheli, a to khene kwakwe: Kasi hi ngawe mfumeli wa Israyeli konkuwa kani? Wuka u txi dya dipawu, kambe mbilu yako yi na tsake; ani ni na kuninga thembwe ya Nabhote, Mujezireyeli.

Mtuletelo 11:10

Vaaki va ditikonimo va na tsaka ngu toneto, va na giya ve ningana siningo, nguko vaprofeti vava vavambidi va ti ti xanisile vaaki va ditikodo.

Varoma 3:15

Minenge yawe yi ni livilo kuyela kuya theketa mnoha;

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Mavingu 1:18

Se vona va riyela kutheketa mnoha wawe vapune; ve baramela wutomi wawe vapune.

Masalmo 9:15

Mahedheni ma hujumete ka diphala di ma ngadi kela; litshenga li va nga li riya li va bzwetile mikondo.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

2 Samuwele 16:21

Se Ayitofeli a to khene ka Abhisalome: Tsula u ya wulela ka vasikati va tate wako, vale a nga va siya kuve xayisa nyumba, kasiku votshe va ka Israyeli ve ziva taku u henyisile tate wako. Se manza a votshe vale va ku ni nawe ma na tsana.