Esteri 5:11 - Bhiblia Yo Sawuleka

¹¹ Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

Esteri 5:11 Referans Kwoze

Esteri 3:1

Msana keto, timhaka, mfumeli Asuwero a to kulisa Hamani, mwana Hamedhata, muagagi, se e m'guleta; e m'veka ka wukhalo txitimwi ka votshe vathangeli vale a nga ti navo.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Genesisi 31:1

Sekoko Jakobe a to engisa mapswi a vanana va Labhani va nga ti ti kha vona: “Jakobe a tekile sotshe si i nga ti sa tate wathu, wotshe wudhumo.”

Marku 10:24

Vagondiswa va to xamala ngutu ngu mapswi akwe. Kambe Jesu a to engeta a txi khene: “Vanavangu, ti karatile ngutu kuwulela Mfumoni ka Txizimu!

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Isaya 10:8

Nguko a khene: Vathangeli vangu votshe hi nga vafumeli kani?

Masalmo 49:6

Vona va themba tithomba tawe, va ti kukumukisa ngu suma si va ku naso.

Esteri 1:4

kasi ku ta va komba tithomba ta wudhumo wa mfumo wakwe, ni kuphatima ka lisima la wuhombe wakwe, ngu masiku amangi, i ku 180 wa masiku.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Masalmo 49:7

Ku walo ni wammweyo wawe a sikotako kutirula mwanawe, mwendo kuningela txo ti tirula ngu txona ka Txizimu.

Masalmo 52:9

Yotshe mbimo ni na kudhumisa ngu mhaka ya ti u nga maha kala kupinduka. Masoni ka vasawuleki vako ni na dhumisa ditina dako, nguko awe u wamnene.