Esteri 4:6 - Bhiblia Yo Sawuleka

⁶ se a di humile Hataki eya ka Mordhekayi, mtendelani ka didhoropa dile di nga ti masoni ka txike txa mfumeli,

Esteri 4:6 Referans Kwoze

Esteri 4:3

Se ka otshe matiko a hombe, amule mapswi a mfumeli ni mlayo wakwe si nga hoka kona, ku ti ti ni txidilo txa hombe hagari ka Vajudha, ni kutitona sakudya, ve peka huwa, va txi dila; se votala va to otela ka tinguwo ta masaka ni ha ka dikhuma.

Esteri 7:2

ngu ditshiku da wumbidi da m'buso wa vhinya, mfumeli a to khene ka Esteri: Ngu txihi txikombelo txako awe Esteri kani? Se u na ningwa. Ni ku ngu kuhi kuvilela kwako kani? Hambi hafu ya mfumo u na ningwa.

Esteri 9:12

Se mfumeli a to khene ka msikati wakwe Esteri: Mkhokholani ka Susani, Vajudha va date ni kulovisa 500 wa vavamna, ni digumi da vanana va Hamani; se ka mamwani matiko a hombe a mfumeli, va di mahisile kutxani ka mamwani matiko a hombe a mfumeli kani? Ngu txihi koko txikombelo txako kani? Se u na ningwa. Mwendo ngu kuhi kuvilelea kwako kani? Se u na mahelwa.

Esteri 4:5

Sekoko Esteri a to dhana Hataki (mmweyo wa mithenwa ya mfumeli, wule a nga ti vekilwe kuthumela msikati wa mfumeli), se e mruma kuya ka Mordhekayi, kasi kuya ziva to nda txani tona tile, niku mwendo ti thumela txani.

Esteri 4:7

Mordhekayi a to m'gela totshe tile ti nga ti m'humelete, kumweko ni mningelo wa silivhela, wule Hamani a nga ti thembisile ku a na ningela tithombani ka mfumeli, ku mahela ti to Vajudha ve dawa, ni ti to ve luzekelwa.