Esteri 4:5 - Bhiblia Yo Sawuleka

⁵ Sekoko Esteri a to dhana Hataki (mmweyo wa mithenwa ya mfumeli, wule a nga ti vekilwe kuthumela msikati wa mfumeli), se e mruma kuya ka Mordhekayi, kasi kuya ziva to nda txani tona tile, niku mwendo ti thumela txani.

Esteri 4:5 Referans Kwoze

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

1 Vakorinto 12:26

Ngako txihango txokari txi txi xaniseka, simwani sa abana kuxanisekako natxo; ngako txihango txokari txi txi dhumiswa, sotshe sihango sa tsaka kumweko natxo.

Varoma 12:15

Tsakani ni va va tsakako, mi txi dila ni va va dilako

Esteri 1:12

Kambe Vhasta mfumeli wa txisikati, a to lamba kuta madingano ni dipswi da mfumeli, ngu dianza da mithenwa; ngu kumaha keto mfumeli a to henya ngutu, se txiviti takwe txi tura.

Esteri 1:10

Se ka ditshiku da wutxhanu ni mambidi, na mfumeli a di tsakile ngu vhinya, a to ruma Mewumani, Bhizita, Haribhona, Bhigita, Abhagita, Zetari, ni Karika, i ku mtxhanu wa mithenwa ni yimbidi, yile yi nga ti thumela mfumeli Asuwero,

Vafilipiya 2:4

Kha kulaveki ti to mmwani ni mmwani a txi khatalela si i ku sakwe dwe, aniko mmwani ni mmwani a na khatalele ni sa vamwani.

Esteri 4:4

Sekoko mahorana a Esteri ni mithenwa yakwe va to ta m'zivisa, se msikati wa mfumeli a to pandiseka ngutu; e rumela syambalo ka Mordhekayi, kasi ku eya thavisa mkhwasi wakwe; aniko ene kha si tumela.

Esteri 4:6

se a di humile Hataki eya ka Mordhekayi, mtendelani ka didhoropa dile di nga ti masoni ka txike txa mfumeli,

Esteri 4:9

Hataki koko a wuya e ta zivisa Esteri otshe mapswi a Mordhekayi.

Esteri 4:10

Sekoko Esteri a to ruma Hataki kuya gela Mordhekayi a txi khene: