Esteri 4:4 - Bhiblia Yo Sawuleka

⁴ Sekoko mahorana a Esteri ni mithenwa yakwe va to ta m'zivisa, se msikati wa mfumeli a to pandiseka ngutu; e rumela syambalo ka Mordhekayi, kasi ku eya thavisa mkhwasi wakwe; aniko ene kha si tumela.

Esteri 4:4 Referans Kwoze

Masalmo 77:2

Mbimo ya sikarato, na kombela ka Mkoma; ni wusiku, na guleta manza angu ni txi khongela, ni si karali; moya wangu kha wu mani thavelelo.

Jeremiya 31:15

Mkoma a khene: Huwa ya pfala aniya Rama, ya xomulo ni kudila ka txiviti, i Rakeli a dilelako vanana vakwe wa lamba kuthavelelwa nguko vanana kha va nga ngadi ho.

Isaya 56:3

Se mwanana wa mluveli wule a ti ningelako ka Mkoma, a nga wombe ku khene: “Mkoma a na ni hambanisa ni vathu vakwe do gwuita”; hambi ni ka kudotho wu nga wombe mthenwa wu txi kha wona: Wonani taku ani ni mndonga wa kuoma.

Esteri 1:12

Kambe Vhasta mfumeli wa txisikati, a to lamba kuta madingano ni dipswi da mfumeli, ngu dianza da mithenwa; ngu kumaha keto mfumeli a to henya ngutu, se txiviti takwe txi tura.

2 Vafumeli 9:32

Jehu a to guleta khohe e wona difasitela, a nje khene: I mani eyo didhawa kwangu kani? I mani? Se mithenwa yimbidi mwendo yiraru, yi to muwona ngu ha ka difasitela.

1 Samuwele 8:15

Se a na teka sa wugumi ka timbewu tanu ni ka mivhinya yanu e si ningela ka mithenwa yakwe ni ka sithumi sakwe.

Genesisi 37:35

Vanana vakwe votshe vamajaha ni vamahorana va to ya mkhongotela, aniko ene a to lamba kukhongotelwa, a txi khene: “Ahim-him ni na dila ni txi relela ka mwanana wangu, kufani.” Jakobe tate wawe, a to msaluka.

Mithumo 8:27

Se ene a to khukha e tsula. Se mmweyo wamwamna wa Muetiyopiya, i nga ti mthenwa ni mthangeli wa hombe wa Kandake, mfumeli wa wamsikati wa Etiyopiya, ni muwoneleti wa txotshe txuma txakwe, awu a nga ti tile Jerusalema ku ta khozela;

Esteri 4:3

Se ka otshe matiko a hombe, amule mapswi a mfumeli ni mlayo wakwe si nga hoka kona, ku ti ti ni txidilo txa hombe hagari ka Vajudha, ni kutitona sakudya, ve peka huwa, va txi dila; se votala va to otela ka tinguwo ta masaka ni ha ka dikhuma.

Esteri 4:5

Sekoko Esteri a to dhana Hataki (mmweyo wa mithenwa ya mfumeli, wule a nga ti vekilwe kuthumela msikati wa mfumeli), se e mruma kuya ka Mordhekayi, kasi kuya ziva to nda txani tona tile, niku mwendo ti thumela txani.