Esteri 4:3 - Bhiblia Yo Sawuleka

³ Se ka otshe matiko a hombe, amule mapswi a mfumeli ni mlayo wakwe si nga hoka kona, ku ti ti ni txidilo txa hombe hagari ka Vajudha, ni kutitona sakudya, ve peka huwa, va txi dila; se votala va to otela ka tinguwo ta masaka ni ha ka dikhuma.

Esteri 4:3 Referans Kwoze

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Isaya 58:5

Ina ngu kona kutitona ku ni ndi no kusawula: Aku ko ditshiku dimwedo m'thu e xanisa muhefemulo wakwe, e namisa msungo a txi nga liwungu, kambe e ateta disaka da koni dikhumani kani? Ina awe u ndi na khawe eko ngu kona kutitona sakudya, ni ditshiku do tsakisa Mkoma kani?

Isaya 22:4

Ngu toneto, ni khani: Mi nga ni woneteleni, ni na dila ngu txiviti; mi nga karaleni ngu ku ni thavelela, ngu kuhaxulwa ka mwanana wa muhorana wa vathu vangu.

Matewu 25:30

Txithumi-txo txa mkara, txo mbi vhuna txilo, txi tshotsheni hahanze mtemani; konamo ku na vaho kudila ni kugegeresela ka makwasa.”

Matewu 22:13

Sekoko mfumeli a to khene ka sithumi: ‘Mu sungeni minenge ni mawoko, mi mu tshotsha txidemani ka hahanze, ahawa ku no va i di ka tihuwa ni kugegeresela ka makwasa.’

Matewu 13:42

ti na va tshotsha mu mdhikilani ka mndilo, ahawa ku no va i di ka kudila ni kugegeresela ka makwasa.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Esteri 3:12

Sekoko vamabhalani va mfumeli va to dhanwa ngu mtxima wo khata, ka ditshiku da digumi ni mararu, se ve ta bhala madingano ni totshe tile Hamani a nga ruma tona ka vathangeli va mfumeli, ni ka vathangeli va matiko a hombe, ni ka vathangeli va vathu ni vathu; se ditiko dimwani ni dimwani da hombe madingano ni mabhalelo a dona, ni ka vathu ni vathu madingano ni lidimi lawe; ti to bhalwa ngu ditina da mfumeli Asuwero, ti tsaniswa ngu phera ya mfumeli.

Esteri 1:1

Se ku to maheka tito, ka masiku a Asuwero (awuwa i Asuwero wule a fumela 127 wa matiko a hombe; kukhukhela Indiya kala Etiyopiya);

1 Samuwele 11:4

Se mbimo yile mitumi yi nga hoka Gibheya ka Sawule, yi to gela vathu mapswi awa. Sekoko vathu votshe va to kwangula, ve dila.

Esteri 4:2

kala kuza e hoka masoni ka txike txa mfumeli; nguko ni wammweyo wo ambala masaka, asi dingani kuwulela ngu sike sa mfumeli.

Esteri 4:4

Sekoko mahorana a Esteri ni mithenwa yakwe va to ta m'zivisa, se msikati wa mfumeli a to pandiseka ngutu; e rumela syambalo ka Mordhekayi, kasi ku eya thavisa mkhwasi wakwe; aniko ene kha si tumela.

Esteri 9:31

kasi kutsanisa masiku awa a Purimi ni timbimo ta ona ti ti nga emiswa, madingano ni tile Mordhekayi, Mujudha, ni msikati wa mfumeli ene Esteri va nga leleta, niku vona vapune va nga ti tsanisile txitimwi kwawe ni ka liveleko lawe, madingano ni kutitona sakudya ni kudila kwawe.

Joxuwa 7:6

Sekoko Joxuwa a to vharula syambalo sakwe, a txi namisa khohe yakwe ha mafuni, masoni ka dibhokiso da Mkoma, kala ni minova, ene ni madhota a ka Israyeli; kambe va to ti vhungela dikhuma ha misungoni kwawe.

Jobe 2:8

Se Jobe a to teka txirengele e halela ngu txona silonda, e khalahatsha hagari ka dikhuma.

Ezekhiyele 27:30

Va na pfalisa huwa yawe kwako, ve dila ngu kupandiseka ka hombe, ve ti xwayela lithulu ha msungo, se va na pulukuta ha ka dikhuma.

Jona 3:6

Nguko dipwsi diya di hokile ka mfumeli wa Ninivha, se a to khukha ha txituluni kwakwe ka wukoma, a txi thavisa syambalo sakwe, e fenengela masaka, e khalahatsha hadikhumani.