Esteri 4:16 - Bhiblia Yo Sawuleka

¹⁶ Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Esteri 4:16 Referans Kwoze

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

Luka 9:24

Nguko awu a lavako kuponisa wutomi wakwe, a na wu mwalata; ani wu a mwalatako wutomi wakwe ngu mhaka yangu, a na wu hulukisa.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

2 Samuwele 10:12

Ngu toneto, koko, tsana, a hi tsaneni hi lwela vathu ni madhoropa a Txizimu txathu; sekoko Mkoma a na mahe ti ti wonekako i di ta tinene masoni kwakwe.

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

Vafilipiya 2:30

nguko a zite e lava kufa ngu mhaka ya mthumo wa Kristu, asi khatali ngu kufa, kasiku e mi tsiveta ka tile mi si sikotiko ku ni vhuna ngu tona.

Varoma 16:4

ava va nga ti ha phangoni ka kufa ngu kulava kuponisa wutomi wangu; hi nga ani nokha ni va bongako, aniko ni mabanza otshe a vamatiko.

Mithumo 27:33

Ngako va di ngadi va txi verela kutxa ka dona, Paulo a to gela votshe ti to ve dya sakudya, a txi khene: “Nyamsi ditshiku da wugumi ni mune mi di tsanisete, mi ti tona sakudya, mi si dyi txilo.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”

Mithumo 10:7

Ku ti ngako yi di khukhile ngelozi yi yi nga womba-womba nayo, Korneliyo a to dhana sithumi sakwe sa simbidi, kumweko ni disotxhwa di i nga ti mkhongeli hagari ka mamwani masotxhwa awa ma mu thumelako;

Mithumo 9:9

Se ku txi pinda masiku mararu na asi woni, asi dyi, asi seli txilo.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

1 Samuwele 19:5

Nguko a ningetile wutomi wakwe e daya Vafilista, ni Mkoma a txhatxhisile votshe va ka Israyeli; awe upune wu ti woni u tsaka; ngu kutxani koko, u lava kuonha ngu kuwukela mnoha wa kwa mbi na mnandu, ngu kudaya Dhavhidha asi na txigelo kani?

Johani 19:22

Pilato a to va xamula, a txi khene: “Ati ni nga bhala, ni bhate.”

Esteri 4:3

Se ka otshe matiko a hombe, amule mapswi a mfumeli ni mlayo wakwe si nga hoka kona, ku ti ti ni txidilo txa hombe hagari ka Vajudha, ni kutitona sakudya, ve peka huwa, va txi dila; se votala va to otela ka tinguwo ta masaka ni ha ka dikhuma.

Esteri 4:15

Sekoko Esteri a to va ruma kutshumela veya gela Mordhekayi taku:

Esteri 4:17

Sekoko Mordhekayi a to tsula eya maha madingano ni totshe tile a nga leletwa ngu Esteri.

Jeremiya 36:9

Ngu dilembe da wutxhanu da Jehoyakimu mwana Josiya, mfumeli wa ka Judha, ngu mtxima wa wutxhanu ni mune, ku to pekwa nyiwo ya ditshiku da kuyila masoni ka Mkoma, ka votshe vathu va Jerusalema, ni votshe vathu va humako ngu madhoropani ka Judha va txita Jerusalema.

Dhaniyeli 2:18

kasiku ve kombela wumbilu ka Txizimu txa nzumani, madingano ni txihunja txiya, ti to Dhaniyeli ni vangana vakwe va si loviswi kumweko ni titxhari ta Bhabhilona.

2 Vafumeli 7:4

Hi txo khathu a hi wuleleni didhoropani, ku ni nzala didhoropani, hi na ya fa; se ngako hi txi zumba hawa, hi na fa kambe; a hi tsuleni konkuwa hi txi ya ti ningela dizumboni ka Vasiriya; va txi ya hi leka hi hanya, hi na hanya; ni ngako va txi ya hi daya, hi na fa dwe.

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

Esteri 9:31

kasi kutsanisa masiku awa a Purimi ni timbimo ta ona ti ti nga emiswa, madingano ni tile Mordhekayi, Mujudha, ni msikati wa mfumeli ene Esteri va nga leleta, niku vona vapune va nga ti tsanisile txitimwi kwawe ni ka liveleko lawe, madingano ni kutitona sakudya ni kudila kwawe.