Esteri 4:14 - Bhiblia Yo Sawuleka

¹⁴ Nguko ka mbimo yiya hambi u txi malala ka totshe, kutxhatxhiswa ni kuhuluka si nata ngu ka dimwani didhawa da Vajudha, kambe awe ni nyumba ya tate wako, mi na lova; se kona ti ziwa ngu mani, mwendo u tile ngu mbimo yiya ka mfumo wuwa ngu mhaka yiya kani?

Esteri 4:14 Referans Kwoze

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Jeremiya 46:28

U nga thave, awe txithumi txangu Jakobe, kuwomba Mkoma, nguko ni ni nawe; nguko ni na heta otshe matiko ale ni nga kutshotsha ka ona; aniko awe kha ni na mbi kuhetisa, ni na kupeka ngu kupimela, kha ni na mbi leka ku kutsayisa.

Ezra 9:9

Nguko tikhumbi ngathu, hambi keto wukhumbini kwathu kha txa hi leka Txizimu txathu; aniko txi hi mahete wunene masoni ka vafumeli va Persiya, kuva hi alakanya, ni kukhukhisa Nyumba ya Txizimu txathu, ni kuwusa sile si nga onhetelwa, ni kuhi ninga diguma kona Judha ni Jerusalema.

Esteri 2:15

Se ku di hokile koko mbimo ya Esteri, mwana Abhiyayeli, tatanyani wa Mordhekayi (awule a nga wunja Esteri kota mwanana wakwe), ya kuya ka mfumeli, kha kombela txilo hahanze ka tile a nga gelwa ngu Hegayi, mthenwa wa mfumeli, muwoneleli wa vavasikati; kambe Esteri a ti ti mana dithomo ka votshe vale va nga ti ti muwona.

Matewu 24:22

Se idiku ma sa komiswa masiku ale, kuwalo ni txivangwa tximwetxo txi ndino sikota kuhuluka. Aniko, ngu mhaka ya vasawuleki, masiku ale ma na komiswa.”

Isaya 49:23

Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.

Esteri 2:7

Mordhekayi a to wunja Hadhasa (i ku Esteri, mwanana wa tatanyani wakwe), nguko asi nga ni tate ni mame; i ti ti dihorana da txiemo txo tshura ngutu; se mbimo yile tate wakwe ni mame wakwe va nga fa, Mordhekayi a to mteka eva mwanana wakwe.

Genesisi 22:14

Se Abrahamu a to raya wukhalo wule ditina do khene “Mkoma a na ti wonela.” Kukhukhela konaho kala ka ditshiku da nyamsi, kudhanwa ku “Mmangoni Txizimu txi na ti wonela.”

Nehemiya 6:11

Aniko ni to khani: M'thu wo fana ni nani a nga tutuma kani? I mani a kuho wo fana ni nani, a wulelako dithepeleni e hanya kani? Ngu mamahelo eyo, kha ni na mbi wulela.

2 Vafumeli 19:3

Va to ya m'gela ku kha vona: Mfumeli Ezekhiya a khene: “Ditshiku diya da nyamsi ditshiku da xomulo ni kutxhipiswa, ni kuruketelwa; nguko vanana va hokile kuhefemulwani, kambe kuwalo mtamo waku va txi velekwa.

1 Samuwele 17:29

Sekoko Dhavhidha a to khene: Ni to maha txani ani koko, kani? Ina kha ni faneli ku wotisa txilo kani?

Valamuli 15:6

Sekoko Vafilista va to kha vona: “I mani a nga maha tona tiya kani?” Se vona va to xamula va txi kha vona: “I Samusoni, mwane wa Mutimina, nguko Mutimina a tekete msikati Samusoni, a txi mningela ka pheleketi yakwe.” Sekoko, Vafilista va to kwela veya hisa wule wamsikati, ni tate wakwe.

Jobe 9:18

Txizimu kha txi ni tumeli ni kuhefemula; aniko txa ni tata ngu kubava.

Levhi 26:42

hambi ani ni na alakanya txitumelelano txangu ni Jakobe, ni txitumelelano txangu ni Isaake, ni txitumelelano txangu ni Abrahamu, ni na ti alakanya, kambe ni na alakanya ditiko diya.

2 Vafumeli 13:5

Se Mkoma a to ninga muhanyisi ka Israyeli, se vanana va ka Israyeli va to huma ngu manzani ka Vasiriya, veya zumba matendani kwawe, nga kukhatani.

Esteri 4:13

Sekoko Mordhekayi a to womba-womba navo kuve tshumela veya gela Esteri taku: U nga alakanye upune ti to awe u na huluka nyumbani ka mfumeli, kupinda votshe Vajudha.

Esteri 4:15

Sekoko Esteri a to va ruma kutshumela veya gela Mordhekayi taku:

Esteri 2:17

Se mfumeli a to randa Esteri kupinda votshe vavasikati, aniko ene a to mana dithomo ni dikato masoni kwakwe, kupinda otshe mahorana o tuma; se a to sanzeka m'bhoti wa wukoma ha msungo ka Esteri, e mmaha mfumeli wa txisikati ka wukhalo wa Vhasta.

Ekleziyaste 3:7

mbimo ya kuvharula, ni mbimo ya kurunga; mbimo ya kumalala, ni mbimo ya kuwombawomba;