Esteri 4:1 - Bhiblia Yo Sawuleka

¹ Mbimo yile Mordhekayi a nga ziva totshe tile ti ngadi mahekile, a to vharulela syambalo sakwe, se e ambala syambalo sa masaka ni ku ti theletela dikhuma, kambe a to huma eya hagari ka didhoropa, a txi peka huwa, e dila ngu txiviti;

Esteri 4:1 Referans Kwoze

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

2 Samuwele 13:19

Sekoko Tamara a to ti theletela dikhuma ha msungo, e vharulela txyambalo txa mixowo yayingi txile a nga ti ambate, se rwala mawoko ha msungo, e tsula a txi pekeletela tihuwa.

2 Samuwele 1:11

Sekoko Dhavhidha a to ñola syambalo sakwe e vharula, kumweko ni votshe vavamna vale a nga ti ti navo.

Jobe 2:8

Se Jobe a to teka txirengele e halela ngu txona silonda, e khalahatsha hagari ka dikhuma.

Mithumo 14:14

Ngako Vapostoli Bharnabhasi ni Paulo va di zivisilwe toneto, va to vharula tinguwo tawe ve ti rinza hagari ka vathu, ve kwangula, va txi kha vona:

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Zefaniya 1:14

Ditshiku da hombe da Mkoma di hafuhi, di hafuhi, kambe da kuluveta ngutu dipswi da ditshiku da Mkoma; wamwamna wa mtamo ngutu, a na peka nyandayeyo.

Mika 1:8

Ngu kumaha keto, ni na dila, ni xomuleka, se ni handwa ni tsimbila ni sa ambala txilo; ni na dilisa ku nga vamwamilambo, ni xomuleka nga timbuwu.

Ezekhiyele 21:6

Awe koko mwanana wa m'thu, hefemuteka; hefemuteka va txi kuwona, ni kuwika msana ni kupandiseka.

Isaya 58:5

Ina ngu kona kutitona ku ni ndi no kusawula: Aku ko ditshiku dimwedo m'thu e xanisa muhefemulo wakwe, e namisa msungo a txi nga liwungu, kambe e ateta disaka da koni dikhumani kani? Ina awe u ndi na khawe eko ngu kona kutitona sakudya, ni ditshiku do tsakisa Mkoma kani?

Isaya 22:4

Ngu toneto, ni khani: Mi nga ni woneteleni, ni na dila ngu txiviti; mi nga karaleni ngu ku ni thavelela, ngu kuhaxulwa ka mwanana wa muhorana wa vathu vangu.

Isaya 15:4

Ngu kumaha keto, Hesibhoni ni Eleyale va keta; mapswi awe ma pfala kala Jahaza; ngu toneto, ava va nga xoma va Mowabhi vadila; muhefemulo wakwe wa dhudhumela mndani kwawe.

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

Esteri 4:3

Se ka otshe matiko a hombe, amule mapswi a mfumeli ni mlayo wakwe si nga hoka kona, ku ti ti ni txidilo txa hombe hagari ka Vajudha, ni kutitona sakudya, ve peka huwa, va txi dila; se votala va to otela ka tinguwo ta masaka ni ha ka dikhuma.

Joxuwa 7:6

Sekoko Joxuwa a to vharula syambalo sakwe, a txi namisa khohe yakwe ha mafuni, masoni ka dibhokiso da Mkoma, kala ni minova, ene ni madhota a ka Israyeli; kambe va to ti vhungela dikhuma ha misungoni kwawe.

Genesisi 27:34

Mbimo yi Esawu a nga engisa mapswi a tate wakwe, a to dila ngu mtamo, a txi pandiseka ngutu, a txi womba ka tate wakwe, a txi khene: “Tata, ni katekise nani.”

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Esteri 4:2

kala kuza e hoka masoni ka txike txa mfumeli; nguko ni wammweyo wo ambala masaka, asi dingani kuwulela ngu sike sa mfumeli.

Genesisi 37:34

Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

Isaya 37:1

Se ku to maheka taku, a di pfite tiya mfumeli Ezekhiya, e vharulela syambalo sakwe, e ti fenengeta ngu disaka da koni, e wulela Nyumbani ka Mkoma.

Isaya 37:2

Se mfumeli a to rumela Eliyakimu, mxayisi wa nyumba ya wukoma, Sebhina, mabhalani, ni madhota a vaphaxeli, va di fengete masaka a tikoni, ka Isaya, mwana Amosi, mprofeti.

Ezekhiyele 21:11

Ditxhari di swililikiselwa kuphatima, kuva di txi na thumiswa; di lotilwe ni kuswililikiswa, kasi ku di txi ya vekwa manzani ka txidayi.