Esteri 3:9 - Bhiblia Yo Sawuleka

⁹ Ngako ti txi woneka kha kwati ka mfumeli, ku na bhalwe ti to va na dawe; se ani ni na ningela 10.000 wa titalenta ta silivhela, manzani ka vale va no maha mthumo, kasi kuveta ti veka amu ka tithomba ta mfumeli.

Esteri 3:9 Referans Kwoze

Genesisi 23:16

A di ti pfite eto Abrahamu ngu ka Efroni, Abrahamu a to mpimela male ya silivhela, yi a nga yi womba masoni ka vanana va Heti, ya 400 wa maxekele a silivhela, male yi nga ti ti thumiswa ka vaxavisi.

Matewu 18:24

Ngako a di khatile ku va setxha, a to nehwa kwakwe mmweyo a nga ti ni mnandu nayo wa 10.000 wa titalenta.”

Esteri 3:8

Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.

Esteri 3:10

Sekoko mfumeli a to thavisa phera ya manzani kwakwe e ninga Hamani, mwana Hamedhata, muagagi, mlala wa Vajudha.

Esteri 4:7

Mordhekayi a to m'gela totshe tile ti nga ti m'humelete, kumweko ni mningelo wa silivhela, wule Hamani a nga ti thembisile ku a na ningela tithombani ka mfumeli, ku mahela ti to Vajudha ve dawa, ni ti to ve luzekelwa.

Esteri 7:4

Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.

Dhaniyeli 3:8

Se ka mbimo yoneyo, ku to tshuketa vavamna vokari va Vakaldheya ve ta mangalela Vajudha.