Esteri 3:5 - Bhiblia Yo Sawuleka

⁵ Ngako Hamani a di woni koko ti to Mordhekayi kha nami, kambe kha mkhizami masoni kwakwe, Hamani a to tala ngu kuhenya.

Esteri 3:5 Referans Kwoze

Dhaniyeli 3:19

Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Esteri 5:9

Sekoko ka ditshiku dile Hamani a to huma a di tsakile kambe a di ni mtamo; kambe mbimo yile Hamani a nga wona Mordhekayi ha txikeni ka mfumeli, na asi khukhi hambi ku ti zinginisa masoni kwakwe, sekoko Hamani a to tala ngu kuhenyela Mordhekayi.

Mavingu 21:24

M'thu wa matshanza ni kutikulisa, ditina dakwe ku mnyenyi, wule a mahako totshe ngu kuhenya ni kutikukumukisa.

Esteri 3:2

Se sotshe sithumi sa mfumeli, sile si nga ti ha txikeni ka mfumeli, si ti nama si khizama masoni ka Hamani; nguko a ti wombisile toneto mfumeli ngu Hamani; kambe Mordhekayi asi nami hambi kukhizama.

Mavingu 19:19

M'thu wa txihenyisani a na dawa ngu txona; nguko u txi mtxhatxhisa, u na tshumela u maha toneto kambe.

Mavingu 12:16

Kuhenya ka txiphukuphuku kha ku sweli kuzivaneka, aniko awule wo txhariha wa sisa tingana.

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Esteri 1:12

Kambe Vhasta mfumeli wa txisikati, a to lamba kuta madingano ni dipswi da mfumeli, ngu dianza da mithenwa; ngu kumaha keto mfumeli a to henya ngutu, se txiviti takwe txi tura.

Esteri 3:4

Se ku to maheka koko taku, va di m'gete toneto, ditshiku ni ditshiku, kambe ene asi va engisi, va to ya zivisa Hamani, kasi kuwona ti to mwendo Mordhekayi a na tsanisa mapswi akwe, nguko a ti ti va gete ti to ene Mujudha.

Ekleziyaste 10:6

Txiphukuphuku va txi khalahatshisa ka makhalo o guleka ngutu, aniko vanyatithombe va khalahatshile ka wukhalo wa hahatshi.

Masalmo 37:12

M'thu wo biha a maha sikungo sa kuwukela awu i ku wam'nene a gegeresela makwasa akwe ngu kuhenyela ene.